Saturday, May 26, 2012

മഞ്ചാടി ക്കുരു





 സൂര്യന്‍ ജാലകം വഴി അകത്തു കടന്നിരിക്കുന്നു . ഇനി ഉറങ്ങിയാല്‍ ശെരിയാവില്ല  .എണീറ്റ്  ഉമ്മറത്ത് തൂക്കിയ വട്ടിയില്‍ കയ്യിട്ട് ഇത്തിരി ഉമ്മിക്കരി  കൈക്കലാക്കി .മുറ്റത്തെ ഒടിഞ്ഞു തൂങ്ങിയ തെങ്ങോലയില്‍ നിന്ന് ഒരു ഈര്‍ക്കിളിയും , അഴലില്‍ തൂങ്ങിയ തോര്‍ത്തും , കോഴിക്കൂടിന്  മുകളിലെ സോപ്പ് പെട്ടിയുമെടുത്ത് ഒരോട്ടം പുഴക്കരയിലേക്ക്  .  കാടുകള്‍ മൂടിയ നടവഴിയിലെ കാട്ടുചെടികളെ ചവിട്ടി മെതിച്ച് .

കാടിനുള്ളിലെ കുറച്ചുയരമുള്ള ചെടിക്ക് മറപറ്റി കാര്യം സാധിച്ചു .ആരെങ്കിലും വരും മുമ്പേ തേക്കില കൊണ്ട് മൂടി മുണ്ടും പൊക്കി ഒറ്റ  ചാട്ടം പുഴയിലേക്ക് .പിന്നെ എല്ലാം പുഴയുടെ മാറില്‍ .

കുളിക്കടവിന്  കുറച്ചകലെ ഒരു കൂട്ടം  പെണ്ണുങ്ങള്‍ കുടവുമായി വരുന്നുണ്ട് .  കുറച്ചു മുമ്പായിരുന്നെങ്കില്‍ .. ഹമ്മോ .ഓര്‍ക്കാനേ വയ്യ .മണലില്‍  ചെറു കുഴികള്‍  കുഴിച്ച്   കുഴികളില്‍ ചിരട്ട മുക്കി അവര്‍ വെള്ളമെടുക്കുകയാ .വേനലിന്‍റെ  വരവോടെ കിണറുകളില്‍ വെള്ളമില്ല .കുടിക്കാന്‍ ഈ കുഴിയിലെ  വെള്ളം ശുദ്ധമാ  .പക്ഷെ താമസിച്ചു വന്നാല്‍   പിന്നെ  കുഴികുത്താനൊരിടം    കാണില്ല .

കുറച്ചു ദിവസമായി കുറച്ചു തമിയന്മാര്‍ വന്ന്  കൂട്ട് കൂടിയിട്ടുണ്ട് . അവരുടെ വരവോടെ പുഴപോലും കലങ്ങി മറിയും .ആമയെ പിടിച്ചു ചുടുന്നതും ഈ പുഴക്കരയില്‍ തന്നെ .ആമ കരിഞ്ഞ് ദുര്‍ഗന്തം  വമിക്കും .

കുളികഴിഞ്ഞു   .  തിരികെ വരുമ്പോള്‍ നട വഴിയിലെ ചവിട്ടിയ കാട്ടുചെടികള്‍ വീണ്ടും ഉണര്‍ന്നിരിക്കുന്നു .മെല്ലെ കൈകൊണ്ടു ഇരു ഭകത്തേക്കും  ഒതുക്കി കാട് കടന്നു മുറ്റത്തെത്തി .

                    ഉമ്മ രാത്രിയിലെ എച്ചില്‍ പാത്രങ്ങള്‍   കരിയില്‍  പ്ലവില മുക്കി തേച്ചു മിനുക്കുകയാ .അടുക്കളയില്‍ എളാമമാര്‍ പ്രാതലിനുള്ള ഗുസ്തി  പിടുത്തത്തിലും   .
ഓരോരുത്തരായി മദ്രസയിലേക്കുള്ള ബുക്കും തൊപ്പിയും മെല്ലാം ഒരുക്കി  പ്രാതലിനായി  കാത്തിരിക്കുകയാ .ഹൈവേ കടന്നു വേണം മദ്രസയിലെത്താന്‍ അത് കൊണ്ട് തന്നെ ഉമ്മമാര്‍ക്ക്    മദ്രസ വിട്ട് വരുന്നത് വരെ ഭയമാ  .പക്ഷെ ഞങ്ങള്‍ കുട്ടികള്‍ക്ക്  എന്നും പോകുന്നത് കാരണം  അതൊരു ബുദ്ധിമുട്ടായി തോന്നാറില്ല .

മദ്രസ വിട്ടു വന്നാല്‍ പിന്നെ സ്കൂളിലേക്ക് .അതും ഒരു യാത്രതന്നെ ഏതാണ്ട് രണ്ടു കിലോമീറ്റര്‍ .പിന്നെ കളിയും ചിരിയും സ്കൂളിലെ കൂട്ടുക്കാരോടപ്പം .വൈകുന്നേരം ആര് വീട്ടില്‍ ആദ്യ മെത്തുമെന്ന വാശിയുണ്ടാകും  ഓടിയും ചാടിയും എല്ലാവരും ഏകദേശം ഒരേ സമയത്ത്‌. ഉമ്മറത്ത് തന്നെ വലിയുമ്മ   ഞങ്ങളുടെ വരവും കാത്ത് നില്‍പ്പുണ്ടാവും ..പിന്നെ കുറേ വഴക്കാ കാരണം യൂണി ഫോമില്‍ അപ്പാടേ മണ്ണ് പുരണ്ടിട്ടുണ്ടാവും .

പിന്നീടുള്ള ഓട്ടം തോര്‍ത്തുടുത്ത്‌  പുഴക്കരയിലേക്ക്  .കൂലി പണിക്കാരായ കുറച്ചാളുകള്‍ . കാച്ചിയ വെളിച്ചെണ്ണയുടേയും മെഡിമിക്സ് സോപിന്‍റെയും   മനോഹര ഗന്ധം പുഴക്കരയില്‍ അലയടിക്കും .മണല്‍ വാരുന്നവര്‍ അവസാന വട്ട മിനുക്ക്‌ പണിയിലായിരിക്കും . വള്ളം പുഴയിലേക്ക് ചാഞ്ഞു നില്‍ക്കുന്ന കാട്ടു വള്ളിയില്‍ കെട്ടിയിടും .

പുഴക്കക്കരെ  ഒരു പേര മരമുണ്ട് അതില്‍ നല്ല മധുരമുള്ള പേരക്കയും .വേനല്‍ കാല സമയമായതിനാല്‍ ഒഴുക്ക് കുറവായതിനാല്‍ നീന്തി അക്കരെ കടന്ന് പേരക്കയുമായി ഇക്കരയിലേക്ക് .നേരം  വൈകിയാല് ഉമ്മമാര്‍ ആരെങ്കിലും വടിയുമായി എത്തും .കുളി കഴിഞ്ഞ് ഒരോട്ടമാ ....
സന്ധ്യാ  സമയം ഖുറാന്‍ പാരായണം പിന്നീട് പഠനം എല്ലാത്തിനും കാവല്‍ നില്‍ക്കാന്‍ മണ്ണെണ്ണ വിളക്കും വലിയുമ്മയും......

                 വീടിനടുത്താണ് തൊട്ടടുത്ത വഴലുകളിലേക്ക് വെള്ളമടിക്കുന്ന പമ്പ്‌ഹൌസ്  .പുഴയില്‍ നിന്നും മോട്ടര്‍ ഘടിപ്പിച്ച്  കനാലുവഴി വഴലിലേക്ക്.നെല്ലും  , പച്ചകറികളും   കൃഷി  ചെയ്യുന്ന കര്‍ഷകരുടെ ഏക ആശ്രയം .കനാലിലേക്ക് വെള്ളം ചാടിക്കുന്ന പൈപ്പില്‍ ഒരു ചെറിയ വല ഘടിപ്പിക്കും അത് വഴി കിട്ടുന്ന മത്സ്യം വീട്ടിലേക്കുളളതാ .നെറ്റിമാന്‍ മുതല്‍ വാള വരേയുള്ള പുഴമീനുകള്‍ കിട്ടും .

പിന്നെ എളാപ്പയുടെ വക ഒരു കുളക്കോഴി പിടുത്തമുണ്ട് .ചൂണ്ടലില്‍ ജീവനുള്ള കൂറയെ കൊരുത്ത് പുഴക്കരയിലെ കാട്ടിലേക്ക് ഇടും കുറച്ചു കഴിഞ്ഞ് ചെന്നാല്‍ കുളക്കോഴി പിടിയില്‍ .ഒഴിവു ദിനങ്ങളില്‍      പെണ്‍കുട്ടികള്ക്ക്     ഓല മെടയലും , ആണ്  കുട്ടികള്‍ അടുത്ത പറമ്പില്‍ കളിക്കാനും പോകും .

വര്‍ഷക്കാലം വന്നാല്‍ പുഴയിലെ വെള്ളം  കുത്തിയൊലിക്കാന്‍  തുടങ്ങും . നിറം  മാറും . ചുഴികള്‍ രൂപ പെടും കര കവിഞ്ഞു ഒഴുകും ....പിന്നെ പുഴക്കരയിലേക്ക് പോകാന്‍ വിലക്കാ.
മഴ പെഴ്ത് മുറ്റം നിറയെ ചെറു ചാലുകള്‍ രൂപ പെടും   അതില്‍ കടലാസ് വള്ളങ്ങള്‍ ഒഴുകിതുടങ്ങും .

            വീടിനരികിലെതോട്ടത്തില്‍കുറച്ചധികം  ഈന്ത് മരങ്ങള്‍ ഉണ്ട്.ഈന്ത് കാഴ എടുത്തു പൊളിച്ചു ഉണക്കി മില്ലില്‍ കൊണ്ട് പോയി  പൊടിക്കും (ഒരു എളാപ്പക്ക് മില്ലിലാ ജോലി . അത് കൊണ്ട് തന്നെ വീട്ടിലെ പൊടികള്‍ സൌജന്ന്യമാ .) അത് ചെറു പലഹാരമായി ഇറച്ചിയോടപ്പം കഴിക്കും .ഈന്ത്  മരങ്ങളില്‍ വലിയ വലിയ പൊത്തുകള്‍ കാണാം അതില്‍ തേനിച്ചകള്‍ കൂടുകുട്ടും .ഒരിക്കല്‍ എനിക്ക് ഒരു അബദ്ധം പറ്റി . ഞാന്‍ കൂട്ടില്‍  കയ്യിട്ടു തേന്‍ കുടിക്കാന്‍ ശ്രമിച്ചു  പിന്നീട്  നടന്നത് ഒരു കിടിലന്‍ ആക്രമണം മായിരുന്നു എത്ര ദൂരമോടി  എന്നെനിക്കോര്‍മയില്ല .മുഖമാസകലം നീര് വന്ന്  വീര്‍ത്തു ,  പച്ച മഞ്ഞള്‍ ഉരച്ച് തേനീച്ചയുടെ പല്ലുകള്‍  ഉമ്മ. മുഖത്ത്  നിന്നും  പറിച്ചു നീക്കി .


     കുങ്കുമ നിറമുള്ള ആ പ്രകാശത്തില്‍ ഇരുളിമ പടരാന്‍ ഇനി നിമിഷങ്ങള്‍ മതി . പകലിന്‍റെ  അന്ത്യവും . രാത്രിയുടെ തുടക്കവുമാണ് ഈ ത്രിസന്ധ്യ .ഇനി ചീവീടുകള്‍ സംഗീതം പൊഴിക്കും ..ഈയാന്‍  പാറ്റകള്‍  വിളക്കിന് ചുറ്റും കൂടും .

വലിയുമ്മയാണ് ആ വിദ്യ പറഞ്ഞുതന്നത് വിളക്ക് വെള്ളം നിറച്ച പാത്രത്തില്‍ വെക്കുക കുറച്ചു കഴിഞ്ഞു നോക്കുമ്പോള്‍ ഈയാന്‍ പാറ്റകള്‍ വെള്ളത്തില്‍ വീണ് മൃതിയടയും .പടിഞ്ഞാറന്‍ ചക്രവാളങ്ങളെ  തലോടി ഒരു കാറ്റ് വരാന്തയിലെ വിളക്കില്‍ ചുംബിച്ചു  അന്തക്കാരം കൈവശപെടുത്തിയ കുറച്ചു നിമിഷം .ഈയാന്‍ പാറ്റകള്‍ അടുത്ത വീട്ടിലെ വിളക്കുകളിലെ പ്രകാശം തേടി പോയി .

അങ്ങാടിയില്‍ പോയ എളാപ്പമാര്‍ എത്തിയാല്  അത്തായം കഴിക്കല്‍ സുഖ നിദ്ര .

        ഒഴിവുദിനങ്ങള്‍മദ്രസ്സയില്‍ സ്പെഷല്‍ ക്ലാസ്സുകള്‍ ഉണ്ടാവും  .ഉച്ചയോടടുക്കും അത് കഴിഞു കിട്ടാന്‍ .പിന്നീട് ഓടിയെത്തി  മട്ടല്‍  ബാറ്റും കെട്ടി പന്തുമായി ഒരു  കിടിലന്‍  മാച്ച് .

റബ്ബര്‍ പന്തുമായി കളിക്കുന്ന മുതിര്‍ന്ന ചേട്ടന്മാര്‍ നമ്മെ കൂട്ടില്ല .തെങ്ങും , കമുകും നിറഞ്ഞ ഒരു തോട്ടം അടിച്ചാല്‍ അവിടെ ഇവിടേയും തട്ടി  തെറിക്കുന്ന റബ്ബര്‍ പന്തുകള്‍ മുറ്റത്തെത്തിയാല്  വലിയുമ്മ ഇറങ്ങി വരും , അതിനു മുമ്പേ ചേട്ടന്മാര്‍ ഓടി വന്ന്  പന്തെടുക്കും . ഇല്ലേല്‍ പിന്നെ ആ പന്ത് കിട്ടില്ല .

തൊടുവില്‍ നടുവിലായി ഒരു ചേരി മരമുണ്ട് അതില്‍ തൊട്ടാല്‍ ദേഹമാസകലം ചൊരിഞ്ഞു പൊന്തും അതാണ്‌ കേട്ടറിവ് .  അത് കൊണ്ട് തന്നെ ആരും   അതില്‍   തൊടാറില്ല ..പിന്നെ അപ്പ മരങ്ങള്‍ തുവര ചെടികള്‍ .കാറ്റടിക്കുമ്പോള്‍ തുവരചെടികള്‍ കാണാന്‍ നല്ല ഭംഗിയാ . സൂചിപുല്ല് അതില്‍ ഒരു ആക്രമ  പ്രത്യാക്രമണങ്ങള്‍ നടത്താറുണ്ട്‌ .കമുകില്‍ അടക്ക പറിക്കാന്‍ വരുന്ന രാമുവേട്ടന്‍റെ     കമുക് വളച്ചു മറ്റൊന്നിലേക്കു ചാടുന്ന കാഴ്ച്ച കൌതുകം  നിറഞ്ഞതാണ്‌ .മുറ്റത്തിന്‍റെ  ഒരു മൂലയില്‍ ഒരു തടിച്ചി പ്ലാവുണ്ട് അതിനു ചുവട്ടിലായി നാളികേരം കൂട്ടിയിട്ടിരിക്കും .കുറച്ച്  ദിവസം കഴിഞ്ഞ് അതെടുക്കാനായി കാര്യസ്ഥന്‍ കുഞ്ഞിമുഹമ്മദിക്ക  ഡ്രൈവര്‍ മജീദുമായി ജീപ്പ് ലോറിയില്‍   വരും . തേങ്ങ അതില്‍  കയറ്റി  കൊണ്ട് പോകും .ഓലയും കൊതുമ്പും തേങ്ങ സൂക്ഷിപ്പുക്കാര്‍ എന്ന പരിഗണനയില്‍ വീട്ടില്‍  കിട്ടും .


  വേനലിലാണ് വീട് ഓലമേഴുന്നത് . ഓല ഉമ്മമാര്‍ തന്നെ മെടയും  .ഓല മെടയാനുള്ള  യോഗ്യത തീരുമാനിക്കുന്നത് വലിയുമ്മയാണ്.  അതിനു ഒരു പരിശീലനമുണ്ട് .ഓലയുടെ ഏറ്റവും അറ്റത്തെ കുറച്ചു ഭാഗം  മെടയുന്നതിനായി   വെട്ടി മാറ്റും . അതിലാണ് ആദ്യത്തെ ഓലമെടയല്‍  പരിശീലനം . അതില്‍ വിജയിച്ചാല്‍ യഥാര്‍ത്ഥ ഓലമെടയാനുള്ള യോഗ്യത നേടും .ആദ്യം കമുക് പലതായി കീറും അത് മേല്‍കൂരയില്‍ ചൂടി ഉപയോഗിച്ച്  കെട്ടും .അതിനു ശേഷം പച്ചോല ചീളുകള്‍  വെള്ളത്തിലിട്ട് തിളപ്പിച്ച്‌ അതിന്റെ  അഗ്ര ഭാഗങ്ങള്‍ കൂര്‍പ്പിക്കും . അതുപയോഗിച്ചാണ് ഓല കമുകിന്റെ തറിയില്‍ കെട്ടി പിടിപ്പിക്കുക .പഴകിയ ഓല അടുപ്പിലേക്ക് തിരിക്കും

 .മുറ്റത്ത് വളഞ്ഞു തിരിഞ്ഞ്  വളരേ ഉയരത്തില്‍ നില്‍ക്കുന്ന ഒരു തെങ്ങുണ്ട് അതില്‍ നല്ല പോലെ തേങ്ങയുമുണ്ട് .പക്ഷെ അതില്‍ കയറാന്‍ പല തിയ്യന്മാര്‍ക്കും ഭയമാണ് ..അത് കൊണ്ട് തന്നെ തേങ്ങ  മുഴുവനും സ്വയം  നിലത്തേക്കു ചാടാറാണ്  പതിവ് .അതില്‍ എനിക്ക് കിട്ടിയിട്ടുണ്ട് ഒരു കിടിലന്‍ തട്ട്. ഭാഗ്യത്തിന് കാലിലാണ് വീണത്‌ കുറച്ചു ദിവസം തൈലം തേച്ചു നടന്നു .

        മുനിയന്‍  പാറയിലിരിന്ന് ചൂണ്ടയിടലാണ് മറ്റൊരു വിനോദം .പടിഞ്ഞാറന്‍  കാറ്റിന്‍റെ  കുളിര്‍മ്മയും . പന മരങ്ങളുടെ തണലും നേരം നീങ്ങുന്നതറിയുകയേ  ഇല്ല .പക്ഷെ മുനിയന്‍ പാറക്ക് പത്ത് മീറ്റര്‍ അകലെ ഒരു അപകട മേഖലയുണ്ട് .ആഴമേറിയ ഒരു പാട് പ്രദേശങ്ങള്‍ ഉണ്ട് അവിടെ . കുട്ടികള്‍ക്ക് ആ ഭാകത്തേക്ക് പോകുന്നത്  വിലക്കാ .

പന മരങ്ങളില്‍  കാട്ടു വള്ളികള്‍ പിണഞ്ഞു  കിടക്കുന്നത് കാണാം . ചില കാട്ടു പഴങ്ങള്‍ അണ്ണാന്റെ വിക്രതിക്ക് വിധേയമായി കാണാം . പാണാമ്പയം എന്ന പേരുള്ള ഒരു കാട്ടു പഴമുണ്ട് ... ചെറു വള്ളികളില്‍ പഴുത്ത് റോസ് നിറത്തിലുള്ള പഴങ്ങള്‍ . അതെടുക്കാന്‍ തേക്കിലയുടെ  രണ്ടു ഭാകവും ഇര്‍ക്കിളി കൊണ്ട് തുന്നി കെട്ടി ഒരു ചെറു വട്ടിയാക്കും . അതിലാണി പഴം നിറക്കുന്നത് .പഴത്തിന്റെ തോല്‍ ഭാകാമാണ് തിന്നാനുപയോഗിക്കുക ഉള്ളിലെ കുരു കളയും.
           
                                                     
          ബാല്യത്തിന്റെ കുതൂഹലങ്ങളില്‍ പെറുക്കിയ  മഞ്ചാടി കുരുവിന്‍റെ  ഓര്‍മ്മകളും കടന്ന് യവ്വനത്തിലേക്കുള്ള  മാറ്റത്തില്‍ ജീവിത പരിണാമങ്ങളില്‍ പുഴയുടെ സുഷ്കിച്ചരൂപവും കാലത്തിന്‍റെ  മാറ്റങ്ങളില്‍ മണ്ണുകള്‍ പങ്കു വെക്കാന്‍ ആളുകള്‍ വന്നപ്പോള്‍ നശിച്ച കാട്ടുചെടികളും .വെട്ടി തെളിച്ചു വേലി കെട്ടി മണിമാളികകള്‍ പൊന്തി വന്ന ഭൂപ്രതലത്തില്‍ തുവര ചെടികളുടെ അകാല ചരമവും .മുറ്റത്തെ മുത്തശ്ശി പ്ലാവിലെ ചക്കയുടെ രുചിയൂറും  ഓര്‍മ്മകളും ഭാക്കി വെച്ച് ഒരു കൂട്ടം ഓര്‍മ്മകളിലേക്ക് ..
                          
                                                   


                                                    

                                                  

                                                    

Saturday, May 12, 2012

തെരുവു വിളക്ക്

പോക്കുവെഴില്‍ മാഞ്ഞു തുടങ്ങി ഇരുള്‍ മൂടിയ തെരുവില്‍ ഒരു തെരുവു വിളക്കിന്റെ വെട്ടം മാത്രം ...വിണ്ണി പുഴയോരം  തട്ടുകടയുടെ പെട്രോള്‍ മാക്സിന്റെ വെളിച്ചത്തില്‍ തെളിഞ്ഞു കാണാം ...വിണ്ണി പുഴയോരത്താണ് നവയവ്വനക്കാര്‍ തങ്ങളുടെ നേരം പോക്ക് നടത്തുന്നത് ....ബാലന്‍ ഒരു കല്പണിക്കാരനാണ്  വൈകുന്നേരം തട്ടിക്കൂട്ടിയ തട്ടുകടയില്‍ ഭാര്യയുടെ കൈകളാല്‍ ഉണ്ടാക്കിയ ഇറച്ചി പൂള ,ചുടോടെയുള്ള ഒമ്ലെറ്റ് ,ഗ്രീന്‍ പീസ്‌ ,നല്ല നാടന്‍ വാറ്റിനു സമം തോന്നുന്ന കട്ടന്‍ എല്ലാം...പുഴയോരത്ത് ഒരുക്കൂട്ടി വെച്ചിട്ടുള്ള  കരിങ്കല്‍  കൂനകളില്‍ ഒരുപറ്റം ചെറുപ്പക്കാര്‍ അവരാണ് ബാലന്റെ നിത്യ സന്ദര്‍ശകര്‍ ...കരിങ്കല്ലുകള്‍ക്ക് മുകളിലൂടെ കെട്ടു പിണഞ്ഞു   കിടക്കുന്ന കാട്ടുവള്ളികള്‍ ...കരിങ്കല്‍ കൂമ്പാരം ഇവിടെ വരാന്‍ കാരണം വിണ്ണി പുഴയുടെ മറുകര പറ്റാന്‍ ഒരു പാലം നിര്‍മ്മിക്കാന്‍ വേണ്ടിയാണ് ...നിര്‍ഭാഗ്യം പാലത്തിനു മുമ്പേ വിണ്ണിപുഴ യമപുരി പൂകി ...ഇപ്പോയവിടെ രാഷ്ട്രീയക്കാരും മറ്റും കരുത്തു തെളിയിക്കാന്‍ കണ്ടെത്തുന്ന സ്ഥലം  ...ഒരു കാറ്റ് തട്ടുകടയിലൂടെ തെന്നി മാറി അതോടപ്പം നല്ല രുചിയൂറും ഭക്ഷണ ഗന്ധവും  ...ബാലനു തിരക്കാണ് സഹായത്തിനു ഒരു അയല്‍വാസി പയ്യനുമുണ്ട് ...പോലീസുക്കാരുടെ  രാത്രി കറക്കവും അവരുടെ നേരം പോക്കും ഈ തട്ടുകടയില്‍ തന്നെ ...തൊട്ടടുത്ത്‌ ആ വിലക്കു കാലിനോട് ചേര്‍ന്ന ഫുട്പാത്തില്‍ ഒരു സ്ത്രീ അവളുടെ മടിയില്‍  കരഞ്ഞു തളര്‍ന്നുറങ്ങുന്ന ഒരു കൊച്ചു കുട്ടി ... മിച്ചം വരുന്നവ ബാലന്‍ അവള്‍ക്കു നല്‍കാറുണ്ട് പക്ഷെ മിച്ചം വരാത്ത ദിനങ്ങള്‍ അവളോട്‌ ബാലനും സ്നേഹത്തില്‍ പൊതിഞ്ഞ അരിശം സ്വോപാവികം മാത്രം ..അന്നവള്‍ക്ക് വാഹനങ്ങള്‍ തുപ്പുന്ന പുക ഭക്ഷണമാക്കും...


           ബാലനിത്  ജീവിത മാര്‍ഗമാണ്‍    അതിനിടയില്‍  ഒരു മനുഷ്യ സ്നേഹം അത്രമാത്രം അതവള്‍ക്കും മറിയാം....കടയിലെ ആള്‍ തിരക്ക് ഒഴിഞ്ഞു ബാലനും സഹായിയും കടയടച്ചു പോകാനുള്ള തിരക്കിലാണ് ...നേരം പുലരാനിനി കുറച്ചു സമയം ഉറക്കം കഴിഞ്ഞ് വീണ്ടും കല്പണിക്ക് ...മൂന്നു പെണ്‍കുട്ടികളാ അദ്ധോനം ആരോഗ്യമുള്ളപ്പോള്‍ അഭികാമ്മ്യം.....കടയടച്ചു പോകാന്‍ നേരം അവളുടെ അരികിലൂടെ പോകാന്‍ ബാലനൊരു മടി വെറുംകയ്യോടെ   പോകുമ്പോള്‍ അവളുടെ രക്തം മരവിച്ച കണ്ണുകളും മടിയില്‍ തല ചായ്ച്ചുറങ്ങുന്ന കൊച്ചു കുട്ടിയുടെ മുഖവും കണ്ടില്ലെന്നു കണ്ടു നടക്കാന്‍ ബാലനാകില്ല അതുകൊണ്ട് തന്നെ ബാലന്‍ ഇരുള്‍ മൂടിയ ഇടവഴിയിലൂടെ തന്റെ പെട്രോള്‍ മാക്സ് തിരിതാഴ്ത്തി മറഞ്ഞു ....കുട്ടി കരയാന്‍ തുടങ്ങി അവള്‍ കുട്ടിക്ക് മുല കൊടുത്തു മുലയൂറ്റി കുടിച്ച കുട്ടിക്ക് അവസാനം കിട്ടിയത് ചോരയായിരുന്നു .......


അവളോര്‍ത്തു വഴിയരികില്‍ ഉപയോഗ്യ ശൂന്യമായി വലിച്ചെറിഞ്ഞ കാമുകനില്‍ നിന്ന് ശരീര വില്‍പ്പന ആനന്ദവും പിന്നീടത്‌ ജീവിതമാര്‍ഗവുമാക്കിയ കാലം ...അന്ന് പലരുടെ ചൂടും അവളറിഞ്ഞു ...അതില്‍ പാവപെട്ടവന്‍ മുതല്‍ പ്രമാണി വരേയുള്ളവര്‍ ..തഴമ്പിച്ച നിതംബം അവളെ ഓര്‍മിപ്പിച്ചു ആ പലരില്‍ ഒരാള്‍ നല്‍കിയ സമ്മാനം അതാണി ഈ മടിയില്‍  ....വിശന്നു കുടല്‍ മാലകള്‍ പ്രതികരിക്കാന്‍ തുടങ്ങിയിരിക്കുന്നു എന്തെകിലും അകത്തു ചെന്നില്ലേല്‍ അവര്‍ സമരം പ്രഖ്യാപിക്കും പിന്നെ ഈ സാഹസത്തിന്റെ ഒന്നും ആവശ്യം വേണ്ടി വരില്ല ...അവള്‍ എണീറ്റ്‌ കുട്ടിയെ ചാക്കു വിരിച്ചു അതില്‍  കിടത്തി തൊട്ടടുത്ത ഓടയില്‍ നിന്നും ദുര്‍ഗന്ധം വമിക്കുന്നു ...കൊതുകുകള്‍ ഉരുക്കൂടി വരുന്നു ...വല്ലതും കിട്ടുമോ എന്നറിയാനവള്‍ തട്ടുകടയുടെ മാലിന്ന്യ ബാഗിലേക്കു എത്തി നോക്കി അതില്‍ കുറച്ചു എച്ചിലുകള്‍ കാണാം അതിനായവള്‍ അതില്‍ കയ്യിട്ടു ഒരു സത്വം തലപൊക്കി തന്റെ   വിഹിതം കൈവശപെടുത്തനെത്തിയനെ   ഒന്നു തലോടി അവള്‍ ഒരു പിടച്ചിലോടെ നിലത്തേക്കു വീണു കുടല്‍ മാലകള്‍  സമരം തുടങ്ങി   അവള്‍ നിശ്ചലയായി ...ഒരു കാറ്റ് അതിലൂടെ കടന്നു പോയി അതില്‍ അവളുടെ ഗന്ധം വാനിലാകെ പരന്നു...അപ്പോയും ആ വിളക്ക് കാല്‍ നിസ്സഹായനായി നോക്കി    നിന്നു..........