Wednesday, January 16, 2013

ഔട്ട്‌സൈഡര്‍

Add caption




ഹോസ്പിറ്റല്‍ ബെഡ്ഡില്‍ അക്ഷമയായി കിടക്കുകയാ അഞ്ജലി .പോലീസുകാര്‍ കുത്തി കുത്തി ചോദിച്ചിട്ടും അഞ്ചലി വണ്ടിയുടെ നമ്പര്‍ പറഞ്ഞു കൊടുത്തില്ല .അറിയില്ല.  എന്ന  മറുപടി മാത്രം .ജാനകിയമ്മ ഭക്ഷണവുമായി വരാനുള്ള സമയം കഴിഞ്ഞപ്പോള്‍ വേണു കിളിക്കൂട്ടിലേക്ക് വിളിച്ചു .ജാനകിയമ്മ വീട്ടില്‍ നടന്ന കാര്യങ്ങള്‍ ഒറ്റ ശ്വാസത്തില്‍ പറഞ്ഞു തീര്‍ത്തു .അഞ്ജലിയെ ഇപ്പൊ ഒന്നുമറിയികണ്ട .വേണു തീരുമാനിച്ചു . ദ്രൗപതിയെ അവിടെ നിര്‍ത്തി വേണു വീട്ടിലേക്കു തിരിച്ചു .വഴിയില്‍ വെച്ച് സുമേഷിനെ  കണ്ടു ,നടന്ന സംഭവങ്ങള്‍ വിശദമായി തന്നെ അവന്‍ പറഞ്ഞു .ഭക്ഷണവുമായി വേണു ഹോസ്പിറ്റലിലേക്ക് തിരിച്ചു .കാര്‍ പാര്‍ക്ക് ചെയ്തു തിരിഞ്ഞപ്പോള്‍ ഒരാള്‍ വേണുവിനെ കാണാന്‍ വന്നു .'വേണു സാറല്ലേ .'അതെ ആരാ മനസ്സിലായില്ല ?' ' ഞാന്‍ പ്രശാന്ത് .സാറിനെന്നെ അറിയില്ല പക്ഷെ സാറിന്റെ വീട്ടിലുള്ള ഗീതയുടെ ഒരു അടുത്ത പരിചയക്കാരനാ  .അവളെ ഒന്ന് കാണണം .അതിനു വേണ്ടി വന്നപ്പോയ സാറിന്റെ വൈഫ്‌ ഇവിടെ അഡ്മിറ്റാണന്നറിഞ്ഞത് .'പ്രശാന്ത് 'വേണുവിന്റെ മുഖത്തിന് തെളിച്ചം വന്നു . ' ഗീത പറഞ്ഞിരുന്നു . ഒരു വിവരവുമില്ലന്ന് '. 'സാര്‍ എന്റെ അവസ്ഥ അങ്ങനെയായിരുന്നു .പുറത്തിറങ്ങിയാല്‍ ഒന്നുകില്‍ സുനിയുടെ ഗുണ്ടകള്‍ അല്ലെങ്കില്‍ സുനിയുടെ പണം പറ്റുന്ന കാക്കിയിട്ട ചെന്നായ്ക്കള്‍ '. 'പ്രശാന്ത് വരൂ എന്റെ വൈഫിനെ പരിചയപെടുത്താം '.
********
   ബെഡ്ഡില്‍ അഞ്ജലിയുടെ അരികിലായി വേണു ഇരുന്നു .തലയിണയില്‍ ചാരിയിരുത്തി കഞ്ഞിയും അച്ചാറും കൊടുത്തു .ഹെഡ് ഇഞ്ചുറി ഉണ്ടായിരുന്നതിനാല്‍ കനമുള്ളതൊന്നും  കൊടുക്കരുതെന്ന് ഡോക്റ്റര്‍ പറഞ്ഞിരുന്നു .പ്രശാന്തിനെ അഞ്ജലിക്ക് പരിചയപെടുത്തി .'പ്രശാന്തിന്‍റെ  അച്ഛനും അമ്മയും 'ദ്രൗപതി ചോദ്യം തുടങ്ങി വെച്ചു .'അച്ഛന്‍ എനിക്ക് നാല് വയസ്സുള്ളപ്പോള്‍ മരിച്ചതാ .പിന്നെ അമ്മയും ഒരു ചേച്ചിയും .ചേച്ചി പഠിക്കാന്‍ മിടുക്കിയായിരുന്നു .പത്താം ക്ലാസ് കഴിഞ്ഞ് പഠിപ്പിക്കാന്‍ ബുദ്ധി മുട്ടുണ്ടായപ്പോള്‍ പഠനം നിര്‍ത്തി .അമ്മയോടപ്പം വീട്ടു ജോലികള്‍ക്ക് പോകും .ആയിടക്കാണ് ജോലിക്ക് പോകുന്ന വീട്ടിലെ  പയ്യനുമായി അടുപ്പത്തിലായതും ഒളിച്ചോടിയതും .ചെക്കന്റെ വീട്ടുക്കാര്‍ എന്നും വന്ന് ബഹളം വെക്കും . കുറേ തെറിവാക്കുകള്‍ പറഞ്ഞു പോകും .എന്റെ ഡിഗ്രീ പഠനം ഒരു വിതം   പൂര്‍ത്തിയാക്കി .തൊട്ടടുത്തുള്ള ഒരു ട്ടൂട്ടോറിയയില്‍ ട്യുഷന്‍ എടുക്കാന്‍ തുടങ്ങി .പിന്നെ കുറച്ച് രാഷ്ട്രീയ ചിന്തകളും .അമ്മക്ക് തീരെ സുഖമില്ലാതെ കിടപ്പിലായി .കുറച്ചു ദിവസം മാത്രമേ അമ്മക്ക് അങ്ങനെ കിടകേണ്ടി വന്നൊള്ളൂ .'പ്രശാന്ത് തന്റെ കുടുംബവിശേഷം ചുരുക്കി പറഞ്ഞു . പരിശോധന കഴിഞ്ഞ് ഡോക്റ്റര്‍ പോകാന്‍ നേരം പറഞ്ഞു, 'ഇന്ന് തന്നെ  വേണമെങ്കില്‍ പോകാം .കുറച്ചു ദിവസം കൂടി റെസ്റ്റ് എടുക്കണം എന്ന് മാത്രം' .
******
             ബില്ലടച്ച്‌ വന്നപോയേക്കും ദ്രൗപതി വസ്ത്രവും പാത്രങ്ങളും പാക്ക് ചെയ്തു കഴിഞ്ഞിരുന്നു .സ്ട്രെക്ച്ചറില്‍ അഞ്ജലിയെ തള്ളി കൊണ്ട് വന്നത് പ്രശാന്താണ് .വേണു കാറ് തിരിച്ചിട്ടു ദ്രൗപതിയും വേണുവും കൂടി അഞ്ജലിയെ കാറിന്റെ പിന് സീറ്റില്‍ ചാരി കിടത്തി ദ്രൌപതിയും കയറി .പ്രശാന്ത് മുന്നിലും .കാര്‍ കിളിക്കൂട്ടില്‍ എത്തുമ്പോള്‍ ഗീതയും ജാനകിയമ്മയും അഴല്‍വാസികളും കാത്തു നില്‍പ്പുണ്ടായിരുന്നു .പ്രശാന്തിനെ കണ്ട ഗീത പരിസരം മറന്നു .ഓടി ചെന്ന് കെട്ടിപിടിച്ച് ഒറ്റ കരച്ചില്‍ .പ്രാശാന്തിന്റെ മുഖം വിളറി വെളുത്തു .കുറച്ചു സമയം കഴിഞ്ഞു ഗീതക്ക് സ്ഥലകാല ഭോതമുണ്ടാകാന്‍ .അവളുടെ നാണം കലര്‍ന്ന മുഖം എല്ലാവരെയും ചിരിപ്പിച്ചു .കിളികൂട്ടിന്റെ ഗേറ്റ് കടന്നു ഒരു പോലിസ് ജീപ്പ്  വന്നു .പ്രശാന്തിനെ  ഗീത ഉള്ളിലേക്ക് കൂട്ടി കൊണ്ട് പോയി .സര്‍ക്കിള്‍ ഇന്‍സ്പെക്ട്ടര്‍ സകറിയാ പോത്തന്‍ ഇറങ്ങി .പരിസരം ഒന്ന് വീക്ഷിച്ചു .കൂടെ മൂന്ന് കോണ്‍സ്റ്റബിള്‍ മാരും രണ്ട് വനിതാ പോലീസുകാരും ഉണ്ടായിരുന്നു .'മിസിസ് അഞ്ജലിമേനോന്‍' പോത്തന്‍ വീല്‍ച്ചയറിലേക്ക് നോക്കി ചോദിച്ചു .'അതെ.എന്താ സറ് പ്രശ്നം '.അഞ്ജലി ആശ്ചര്യത്തോടെ ചോദിച്ചു .'നിങ്ങളുടെ പേരില്‍ ഒരു കംബ്ലൈന്റ്റ് കിട്ടിയിട്ടുണ്ട് .കിരണ്‍ എന്ന വ്യക്തിയുടെ ഭാര്യ ഗീതയെ നിങ്ങള്‍ ബലമായി പിടിച്ച് വെച്ചിരിക്കുകയാണ് .എന്നതാണ് കംബ്ലൈന്റ്റ് '.പോത്തന്‍ പറഞ്ഞു .'സാര്‍ അയാള്‍ കള്ളം പറയുകയാ .ഗീത എന്ന പെണ്‍കുട്ടി എന്റെ കൂടെയുണ്ട് .പക്ഷെ അവള്‍ നിയമപരമായി ആരുടേയും ഭാര്യയല്ല .'മേഡം ഒരു തര്‍ക്കത്തിന് സമയമില്ല .അയാളുടെ ഭാര്യയാണവള്‍   എന്നതിനുള്ള രേഖ കിരണിന്റെ കയ്യിലുണ്ട് .നിയമം പഠിച്ച വക്കീലിന് കൃത്യനിര്‍വഹണത്തിന് തടസ്സം നിന്നാലുള്ള ഭവിഷത്ത് പറഞ്ഞു തരേണ്ടാതില്ലല്ലോ '.പോത്തന്‍ ആവേശത്തോടെ പറഞ്ഞു .പോത്തന്‍റെ  നിര്‍ദേശ പ്രകാരം വനിതാ പോലീസുകാര്‍ ഗീതയേയും കുട്ടിയേയും ബലമായി പിടിച്ചിറക്കി ജീപ്പില്‍ കയറ്റി .പോത്തനും കയറി ജീപ്പ് തിരിക്കാന്‍  നേരം ഒരു ഓട്ടോ ജീപിന് മുന്നില്‍ വന്ന് നിന്നു .അതില്‍ നിന്നും  ഒരു മധ്യ വയസ്കനിറങ്ങി .അയാള്‍ പോത്തനോട് സ്വയം പരിചയപെടുത്തി . ഡോക്റ്റര്‍ സാമുവല്‍ .കോയമ്പത്തൂരിലെ 'മേഡോണ മെന്റല്‍ ഹെല്‍ത്ത് കയറിലെ' സീനിയര്‍ ഡോക്റ്റര്‍ .ഗീത എന്ന പെണ്‍കുട്ടി അവിടെ ട്രീറ്റ് മെന്റ്റ്റിനായി വന്നിട്ടില്ല .രാമന്‍ കാര്‍ത്ത എന്ന ഒരു ഡോക്റ്റര്‍ അവിടെ ചോലി ചെയ്യന്നുമില്ല .പോത്തന്റെ നെറ്റി ചുളിഞ്ഞു .പോത്തന്‍ ചാടിയിറങ്ങി ആ മധ്യവയസ്കനോട് തട്ടി കയറി .അവസരം മുതെലെടുത്ത് ദ്രൗപതി ഇടപെട്ടു 'സാര്‍ .ഡോക്റ്ററെ ശകാരിച്ചത്‌ കൊണ്ട് സത്യം സത്യമാല്ലാതാവില്ല .കിരണ്‍ കോടതിയെ സമീപിക്കട്ടെ , അവിടെ വെച്ച് നീതി പീഠം വിലയിരുത്തട്ടെ .അതിനു ശേഷം പോരെ ഈ സാഹസങ്ങള്‍ .ദ്രൗപതി രോഷാകുലയായി .പോത്തന് കാര്യത്തിന്റെ ഗൌരവം മനസ്സിലായി .ഗീതയെ ഇറക്കി വിടാന്‍ പറഞ്ഞു .'ഞാനിനിയും വരും വ്യക്തമായ തെളിവുകളോടെ .അപ്പോയും കാണണം ഈ വീര്യം .'ദ്രൗപതിയെ രൂക്ഷമായി നോക്കി പോത്തന് ജീപ്പില്‍ കയറി .ജീപ്പ് വേകത്തില്‍ പാഞ്ഞു പോയി .
********
              'ഡോക്റ്റര്‍ സാമുവല്‍' ഒരു ചോദ്യ ചിഹ്ന്നമായി അഞ്ജലി ഒഴികെ മറ്റെല്ലാവരുടേയും  മുഖത്ത് നിഴലിച്ചു .എല്ലാവരുടെയും സംശയങ്ങള്‍ക്ക് മറുപടി എന്നോണം അഞ്ജലി പറഞ്ഞു തുടങ്ങി . കിരണും കര്ത്തയും വന്നതും .അതിന്റെ സത്യാവസ്ഥ അന്നേഷിക്കാന് തിരുമാനിച്ച്‌  അഞ്ജലി കോയമ്പത്തൂരില്‍ താമസിക്കുന്ന തന്റെ ക്ലാസ്മേറ്റ് ഡോക്റ്റര്‍ രൂപയെ വിളിച്ച് കാര്യങ്ങള്‍ തിരക്കിയതും  .രൂപ ഡോക്റ്റര്‍ സാമുവലിനെ പരിചയപെടുത്തി .ഗീതയുടെ ഫോട്ടോ സാമുവലിന്  മെയില്‍ അഴച്ചു കൊടുത്തു .അന്നേഷണത്തിനൊടുവില്‍  അഞ്ജലിയെ തെറ്റിദ്ധരിപ്പിക്കാന് കിരണ്‍ നടത്തിയ നാടകമാണ് അതെന്ന്  തെളിഞ്ഞതായി ഡോക്റ്റര്‍ സാമുവല്‍ അറിയിച്ചു .അഞ്ജലിയെ ഇടിച്ചിട്ട സ്കോര്‍പിയോ ഓടിച്ചിരുന്നത് കത്രിക ഷാജി എന്ന വാടക കൊലയാളിയാണ്   .'പോലിസുക്കാര്‍ വരുന്ന സമയം ഡോക്റ്റര്‍ എങ്ങനെ അറിഞ്ഞു '?.വേണു ഇടക്ക് കയറി ചോദിച്ചു .'വനിതാകോണ്‍സ്റ്റബിള്‍ ശാന്തകുമാരി .(ശാന്ത കുമാരിയുടെ അമ്മ വാസന്തി അഞ്ജലിയുടെ തറവാട്ടിലെ വാല്യക്കാരി ആയിരുന്നു  .ശാന്ത കുമാരിയും അഞ്ജലിയും ചെറുപ്പത്തിലെ അറിയുന്നവരാണ്) .ഡോക്റ്റര്‍ മൂന്ന് ദിവസമായി ഇവിടെയുണ്ടായിരുന്നു .ശാന്തകുമാരിയുടെ മകള്‍ സിറ്റി ഹോസ്പിറ്റലിലെ നേര്സ്  രാധികയെ  (രാധിക സാമുവല്‍  ഡോക്റ്ററുടെ കൂടെ കോയമ്പത്തൂരില്‍ ചോലി  ചെയ്തിരുന്നു )പോത്തന്റെ നീക്കം  ശാന്ത കുമാരി അറിയിച്ചിരുന്നു .ഡോക്റ്റര്‍  സാമുവലിനെ രാധികയാണ് വിളിച്ചറിയിച്ചത് '.അഞ്ജലി വിജയ ഭാവത്തില്‍ ചിരിച്ചു കൊണ്ട് പറഞ്ഞു .
*******
            പുലിമറ്റം ബംഗ്ലാവിന് മുന്നില്‍ ചീറി പാഞ്ഞു വന്ന പോത്തന്റെ സര്‍ക്കാര്‍ ജീപ്പ് മുറ്റത്ത് ഇരച്ചു നിന്നു .ഡ്രൈവിംഗ് സീറ്റില്‍ നിന്നും ചാടിയിറങ്ങിയ പോത്തന്‍ ബംഗ്ലാവിനുള്ളിലേക്ക്  ഓടി കയറി .ഡൈനിംഗ് ഹാളില്‍ സുനി ,കിരണ്‍, കര്‍ത്ത പിന്നെ വാടക ഗുണ്ട കത്രിക ഷാജി .ടീപ്പോയില്‍ നിരന്നിരിക്കുന്ന നല്ല നാടന്‍ ചാരായത്തിന്റെ പകുതിയായ കുപ്പിയും  സോഡയും ക്ലാസ്സുകളുമാണ് ആദ്യം കണ്ടത് . നാല് പേരെയും മദ്യം കീഴ്പെടുത്തിയിരുന്നു .പോത്തന്‍ കസേര വലിച്ചിട്ട് ഇരുന്നു  .ചാരായ കുപ്പി തുറന്ന് ലേശം ക്ലാസ്സിലേക്ക് പകര്‍ന്നു സോഡ ഒഴിച്ച് ഒറ്റവലിക്കകത്താക്കി .രണ്ടു ക്ലാസ്സുകൂടി അകത്തയതോടെ പോത്തന്‍ നല്ല ഫോമിലായി . പിന്നീട് തെറിപാട്ടുകള്‍ക്ക്  പഞ്ഞം വന്നില്ല .സഹികെട്ടപ്പോള്‍ ഷാജി മദ്യകുപ്പി ടീപ്പോയില്‍ അടിച്ചു തകര്‍ത്തു . എല്ലാവരും ഒരു നിമിഷം തറച്ചു നിന്നു . 'ഒരു പോലിസ് ഓഫിസ്സര്‍ . എന്തൊക്കെയായിരുന്നു അറസ്റ്റ് ,കൊലപാതകം ഒലക്കേട മൂട് .'ഷാജി പാതിവന്ന ചാരായ കുപ്പി ചുമരിലേക്കു വലിച്ചെറിഞ്ഞു അത് പല കഷ്ണങ്ങളായി ചിതറി വീണു .'ഷാജി നീ അടങ്ങ്‌ .നമ്മുക്ക് വഴിയുണ്ടാക്കാം '.കിരണ്‍ ഷാജിയെ മഴപെടുത്തി .'ഇടിച്ചിട്ട സ്കോര്‍പിയോ ആ പെണ്ണും പിള്ള തിരിച്ചറിഞ്ഞോ ?'.'ഇല്ലാന്നാ അവരുടെ മൊഴി .'മൂത്തുകവല' സ്റ്റേഷനിലെ സര്‍ക്കിള്‍ നിസാമുദ്ധീന്‍ ഒരു ആദര്‍ശ വാദിയാ.അയാളിതിന്‍റെ പുറകെ ഇറങ്ങി തിരിച്ചാല്‍ ?'പോത്തന്‍  ഒരു മുന്നറിയിപ്പ് എന്നോണം പറഞ്ഞു .ഇറങ്ങി തിരിച്ചാല്‍ ഒന്നുമില്ല .അയാള്‍ എങ്ങനെ അന്നേഷിച്ചാലും സ്കോര്‍പിയോയുടെ അവകാശിയെ കണ്ടുകിട്ടില്ല . കിരണ്‍ ആത്മ വിശ്വാസത്തോടെ പറഞ്ഞു . 'അയാള്‍ അധികം വിളഞ്ഞാല്‍ കാലനു മുമ്പേ ആയുസ്സ് ഞാനെടുക്കും .ഓടിച്ചാല്‍ ഒടിയാത്ത അസ്ഥിയും കീറിയാല്‍ കീറാത്ത മാംസവുമല്ലല്ലൊ സര്‍കിള്‍ എമാന്‍റെത്' .  ഷാജി ആര്‍ത്തു ചിരിച്ചു .'വാട്ടീസ് നെക്സ്റ്റ് 'അതാണ്‌ നമ്മള്‍ ചിന്തികേണ്ടത്‌' .കര്‍ത്ത കര്‍മ്മ നിരതനായി .'കുറച്ച് ദിവസം കിളിക്കൂട്ടില്‍ ആരൊക്കെ വരുന്നു പോകുന്നു എന്ന് വ്യക്തമായി അറിയണം' . സുനി നേത്രത്വം ഏറ്റെടുത്തു .'അതിന്  എന്ത് ചെയ്യണം ?'കിരണിന്റെ ജിക്ഞ്ഞാസ .വഴിയുണ്ട് .കിളിക്കൂടിനോട് ചേര്‍ന്ന് നില്‍ക്കുന്ന പ്രവര്‍ത്തന രഹിതമായ പംബുഹൌസ് നമ്മള്‍ തുറപ്പിക്കുന്നു .അതില്‍ ജോലിക്കായി രുദ്രനെ നിര്‍ത്തണം .'രുദ്രനെ ആരും സംശയിക്കില്ല  .കര്‍ത്ത പിന്താങ്ങി .
********
             കിങ്ങാണിപുരത്തെ കൃഷിക്കാരുടെ ഏക ആശ്രയമായ പംബ്ഹൌസ് തുറക്കാനുള്ള പഞ്ചായത്തിന്റെ തിരുമാനം കര്‍ഷകര്‍ ആവേശത്തോടെ വരവേറ്റു .രുദ്രന്‍റെ സ്നേഹ സമ്പന്നമായ പെരുമാറ്റം കിങ്ങാണിപുരത്തുക്കാരുടെ ഇടയില്‍ രുദ്രന് നല്ല സ്ഥാനം  നല്‍കി .ഒരു ചെറു സൌഹൃദ കൂട്ടായ്മ രുദ്രന്‍ അവിടെ ഉണ്ടാക്കി എടുത്തു   .രാത്രിയില്‍ സ്വല്‍പ്പം മദ്യ സേവ ,കാരംസ് അങ്ങനെ ചില്ലറ വിനോദങ്ങള്‍ .കിളിക്കൂട്ടില്‍ വന്നു പോകുന്നവരില്‍ അസ്വഭാവികമായി ആരുമില്ലെന്ന വാര്‍ത്ത സുനിയേ അസ്വസ്ഥനാക്കി .കാത്തിരിക്കാം വക്കീലിന്റെ ആരോഗ്യ വതിയായ മടങ്ങി വരവിന് .അതിനു ശേഷമാവും അവരുടെ നീക്കങ്ങള്‍  സുനി മനസ്സില്‍ കണക്ക് കൂട്ടി .ഷാജി നിസാമുദ്ധീന്‍റെ നീക്കങ്ങള്‍ ഓരോന്നും നോക്കി മനസ്സിലാക്കാന്‍ കോണ്‍സ്റ്റബിള്‍ നാരായണന്‍ കുട്ടിയെ ചുമതല പെടുത്തിയിരുന്നു  .കര്ത്തയും കിരണും കോടതിയിലും പ്രസ് കൌണ്‍സിലിലും  ഓരോ ചാരന്‍ മാരെ നിയമിച്ചിരുന്നു .എല്ലാ പഴുതുക്കളും അടച്ച സന്തോഷം സുനിയുടെയും കൂട്ടുക്കാരുടേയും ടെന്‍ഷന്‍ കുറച്ചു ..
******
    'കിളിക്കൂട്‌' പ്രഭാതത്തെ വരവേറ്റു .അഞ്ജലി ആരോഗ്യ നില പൂര്‍ണ്ണമായി വീണ്ടെടുത്തു .ജാനകിയമ്മയുടെ വിഭവ സമൃദമായ  പ്രാതല്‍ ഡൈനിംഗ്  ടാബിളില്‍ നിരന്നിരിക്കുന്നു .അഞ്ജലിയും വേണുവും ജോലിക്ക് പോകാനുള്ള തയ്യാറെടുപ്പിലാ .പ്രശാന്തും ഗീതയും കൂടി വന്നതോടെ ഡൈനിംഗ് ടാബില്‍ സജീവമായി . ജാനകിയമ്മയും ഗീതയും കൂടി എല്ലാവര്ക്കും ഇഡ്ഡലിയും സാമ്പാറും വിളമ്പി . 'ഇനി എന്താ അടുത്ത പരിപാടി' പ്രശാന്തിനെ നോക്കി അഞ്ജലി ചോദിച്ചു . 'ഒരു ജോലി .എന്നെ തിരിച്ചറിയാത്ത എവിടെയെങ്കിലും '. 'അതൊരു ഒളിച്ചോട്ടമാവില്ലേ .അത് വേണ്ട . പ്രശാന്തിന് നല്ല ഒരു ജോലി ഞാന്‍ കണ്ടു വെച്ചിട്ടുണ്ട് .അഞ്ജലിയുടെ കണ്ണുകളിലെ കൌശലം എല്ലാവരെയും ആശ്ചര്യപെടുത്തി . 'അത് എന്താ ?.ഒരു ഇഡ്ഡലി കൂടി തന്റെ പ്ലേറ്റിലേക്ക് ഇട്ടു കൊണ്ട് വേണു ചോദിച്ചു .'രുദ്രന്‍ .അവനാണ് പ്രശാന്തിന്റെ ടാര്‍ഗറ്റ് '. 'രുദ്രനൊ ?' അവനും ഞാനും തമ്മില്‍ ..?'നീയും അവനും തമ്മില്‍ ഭന്തമില്ല .പക്ഷെ അവനും സുനിയും തമ്മില്‍ ഭന്തമുണ്ട് '.'വര്‍ഷങ്ങളായി കര്‍ഷകര്‍ പഞ്ചായത്ത്ഓഫീസ്സില്‍ കയറി നിരങ്ങി മടുത്തിട്ടും നടക്കാത്ത കാര്യം ഒറ്റ രാത്രി കൊണ്ട് നടന്നു .അതിന് പിന്നില്‍ പ്രവര്‍ത്തിച്ച കൈകള്‍ ദുരൂഹത വര്‍ദ്ധിപ്പിക്കുന്നു  .'ഇത് നിനക്കെങ്ങനെ മനസ്സിലായി.?'വേണു ഇടയ്ക്കു കയറി .ഒരു ഗസ്സിംഗ് മാത്രം . ''രുദ്രന്‍'' . അവന്‍റെ  എല്ലാ ഭൂമി ശാസ്ത്രവും പഠിക്കണം .അതിന് പ്രശാന്തിന് മാത്രമേ സാധിക്കൂ .കാരണം പ്രശാന്തും രുദ്രനും തമ്മില്‍ മുന്‍ പരിചയമില്ല .'ഞാനെത് ചെയ്യണം . മേഡം  പറഞ്ഞാല്‍ മതി '. പ്രശാന്തിന് ആവേശമായി .'പ്രശാന്ത് ഒരിക്കലും കിളിക്കൂട്ടിലെ  അംഗങ്ങളുമായി  ബന്തപെടാന്‍ പാടില്ല . ഊഹം ശെരിയാണെങ്കില്‍ രുദ്രനെ ഇവിടെ നിയമിച്ചതിന്‍റെ പിന്നിലെ ചേതോവികാരം കിളിക്കൂട്ടിലെ സന്ദര്‍ശകരെ നിരീക്ഷിക്കുക എന്നതാണ്  .പ്രശാന്ത് ആ ദൌത്യം ഏറ്റെടുത്തു .
******
  മുത്തുകവല സ്റ്റേഷനില്‍ നിസാമുദ്ധീന്‍ സര്‍ക്കിളായി വന്നിട്ട് മൂന്നുമാസമേ ആയൊള്ളൂ .പരിസരമെല്ലാം പരിചിതമായി വരുന്നേ ഒള്ളൂ .സ്റ്റേഷന് മുന്നില്‍ കറുത്ത സ്വിഫ്റ്റ് കാര്‍ വന്നു നിന്നു .അതില്‍ നിന്നും മെലിഞ്ഞ് ഉയരമുള്ള സുന്ദരിയായ ഒരു യുവതി ഇറങ്ങി .കോണ്‍സ്റ്റബിള്‍ നാരായണന്‍ കുട്ടി ചോദിച്ചു ' എന്താ. എന്ത് വേണം ?' സര്‍ക്കിള്‍ സാറില്ലേ '.സാറേ കാണാന് വന്നതാ '.ആ യുവതിയുടെ ലിഫ്റ്റിക്ക് ചുണ്ടുകള്‍ മന്ത്രിച്ചു .നാരായണന്‍ കുട്ടി നിസാമുദ്ധീനെ വിവരമറിയിച്ചു . 'മേ ഐ കമിംഗ് സര്‍' യുവതിയുടെ കിളിനാദം ഓഫീസ് റൂമിന്റെ ഭിത്തികളില്‍ തട്ടി തെറിച്ചു .'എസ് . കമിംഗ്' നിസാമുദ്ധീന്‍  അവരെ സ്വഗതം ചെയ്തു . 'ഇരിക്കൂ '.ഫൈലില്‍ നിന്ന് കണ്ണെടുക്കാതെ നിസാമുദ്ധീന്‍ പറഞ്ഞു . 'താങ്ക്യൂ സാര്‍ '.യുവതി അവിടെ കണ്ട മര  കസേര  വലിച്ചിട്ട് അതിലിരുന്നു . ' സാര്‍ എന്റെ പേര് ദ്രൗപതി .ഞാന്‌ സാറിനെ കാണാന് വന്നത്  , സാറിന്‍റെ സ്റ്റേഷനതിര്ത്തിയില്‍ നടന്ന ഒരു ആക്സിഡന്റ്റ് കേസുമായി  ബന്തപെട്ടുള്ള വിവരങ്ങളറിയാന്‍ വേണ്ടിയാ '. നിസാമുദ്ധീന്‍ ഫയലുകള്‍ മടക്കി മേശ പുറത്ത് വെച്ചു .യുവതിയുടെ  മുഖത്തേക്ക് ശൂക്ഷിച്ചു നോക്കി .'വണ്ടിയെ കുറിച്ചുള്ള ഒരു സൂചനയൊന്നും കിട്ടിയില്ല .അന്നേഷണം  നടക്കുന്നുണ്ട് '.  പിന്നെ അതിനെ കുറിച്ച് ഒരു വിശദമായ അവലോകനം അവര്‍ക്കിടയില്‍ നടന്നു . ഓക്കെ  സാര്‍ .ഞാനിപ്പൊ ഇറങ്ങുന്നു പിന്നെ കാണാം .ഇതെന്‍റെ കാര്‍ഡാണ് .നമ്പര്‍ അതിലുണ്ട് .എന്തെങ്കിലും വിവരം കിട്ടിയാല്‍ സാര്‍ വിളിക്കണം'.ദ്രൗപതി ഇറങ്ങി .നാരായണന്‍ കുട്ടി ആ വിവരം ആപ്പോള്‍ തന്നെ ഷാജിയെ അറിയിച്ചു .
********
 ' കിങ്ങാണിപുരം '.
                  പ്രശാന്ത് രുദ്രനുമായി സൌഹൃദം സ്ഥാപിച്ചു കഴിഞ്ഞിരുന്നു ..'ഒരു ജോലി വേണം .വീട്ടില്‍ അച്ഛനുമായി വയക്കിട്ട് വീട് വിട്ടിറങ്ങിയതാ '.പ്രശാന്ത് പറഞ്ഞ ഈ ന്യായീകരണങ്ങള്‍  രുദ്രനില്‍ വിശ്വസം നേടിയെടുക്കാന് സഹായിച്ചു   .ഒരു ജോലി വാങ്ങി തരാം  എന്ന് വാഗ്ദാനവും നല്‍കി. ആകാശത്തിന് കുങ്കുമ നിറം .സൂര്യന്‍ രംഗമൊഴിഞ്ഞു ഇരുട്ട് പരക്കാന്‍ തുടങ്ങി .പടിഞ്ഞാറന്‍ കാറ്റിലാടുന്ന മരചില്ലകള്‍ രാത്രിയുടെ  ഭംഗി കൂട്ടി .മദ്യ സല്‍ക്കാരം  തുടങ്ങി .പ്രശാന്ത് മദ്യം കഴിക്കാത്തത് കുടിയന്മാരെ ആശ്ചര്യ പെടുത്തി . ഈ നൂറ്റാണ്ടിലും ഇങ്ങനെ ഒരുത്തനൊ .മദ്യം അവരുടെ ബോതത്തെ കീഴ്പെടുത്തി  . ''കുപ്പികളില്‍ നിറച്ച കവിതയാണ് മദ്യം ''.ജബ്ബാര്‍ വിളിച്ചു പറഞ്ഞു .'എന്തഗോഷത്തിനും മദ്യം വേണം '.മഹേഷ്‌ പിന്താങ്ങി.സര്‍ക്കാര്‍ ഖജനാവ്‌ നിറയുന്നത് നമ്മുടെ സേവനം കൊണ്ടാ .രാമന്‍  രാഷ്ട്ര ബോതമുള്ളവനായി .രാത്രിയുടെ കറുപ്പ് കൂടി കൂടി വന്നു .എല്ലാവരും നല്ല ഫിറ്റായി .പ്രശാന്ത് എണീറ്റ്‌  രുദ്രന്‍റെ റൂമില്‍ കയറി മേശയും അലമാറയും പരിശോധിച്ചു .രുദ്രന്‍റെ ബാഗിലെ   ഫോണ്‍ ബുക്ക്‌ പ്രശാന്ത് കണ്ടു .മറിച്ച്  നോക്കിയപ്പോള്‍ ആദ്യ പേജില്‍ തന്നെ അവന്റെ അഡ്രസ്സ് .രുദ്രന്‍ നാലുകണ്ടത്തില്‍ .കാരാടിമുക്ക് .പി . ഓ .   മുള്ളംകല്ല്  .പ്രശാന്ത് അഡ്രസ്സ് മൊബൈലില്‍ ടൈപ് ചെയ്തു .വീണ്ടും ബാഗില്‍ പരതിയെങ്കിലും കാര്യമായി ഒന്നും കിട്ടിയില്ല. ഡോര്‍ അടച്ച് പുറത്ത് കടന്നു .രുദ്രനും കൂട്ടാളികളും നല്ല ഉറക്കത്തിലാ  ..
******
പ്രശാന്ത് വെളിയിലിറങ്ങി .പുറത്ത് നല്ല നിലാവ് .പടിഞ്ഞാറന്‍ കാറ്റില്‍ ആടിയുലയുന്ന തെങ്ങോലകള്‍ .ചീവീടുകളുടെ മനോഹരമായ സംഗീതം .നേരം പുലരാന്‍ ഇനിയും സമയമുണ്ട്  .ചാരുപടിയില്‍ ചാരിയിരുന്ന് പുറത്തെ നിലവിലേക്ക് നോക്കി ഇരിക്കെ അറിയാതെ ഉറങ്ങി പോയി .വെഴിലിന്റെ ഇളം ചൂട് ദേഹത്ത് പതിച്ചപ്പോള്‍ പ്രശാന്ത് മെല്ലെ കണ്ണ് തുറന്നു .ടാങ്കിലെ പൈപ്പ് വെള്ളം ചീറ്റിക്കുന്നു . രുദ്രന്‍ ചാരുപടിയുടെ അറ്റത്തിരുന്ന് പത്രം വായിക്കുന്നു . പ്രശാന്ത് എണീറ്റ്‌ കുളികഴിഞ്ഞ് വന്ന പോയേക്കും ചപ്പാത്തിയും കടല കറിയും രുദ്രന്‍ തയ്യാറാക്കി വെച്ചിരിക്കുന്നു.'എന്‍റെ ജോലിക്കാര്യം 'പ്രശാന്ത് തുടങ്ങി വെച്ചു .'ഞാന്‍ നാണുപിള്ളയോട് പറഞ്ഞിട്ടുണ്ട് .പ്രസ്സില്‍ എന്തെങ്കിലും ഒരു ജോലി .തല്‍ക്കാലം മാത്രം . നല്ല ജോലി നമ്മുക്ക് സാവദാനം കണ്ടെത്താം  .ഭക്ഷണം , റൂം എല്ലാം  പിള്ള ഏറ്റിട്ടുണ്ട്‌ .ഇന്ന് തന്നെ ജോലിയില്‍ കയറണം .രുദ്രന്‍ വാചാലനായി .നന്ദി രുദ്രേട്ടാ .പ്രശാന്ത് തന്റെ കപട നന്ദി അറിയുച്ചു .വസ്ത്രം ബാഗില്‍ നിറച്ച് പ്രശാന്ത് ഇറങ്ങി .'

Tuesday, January 8, 2013

ഔട്ട്‌സൈഡര്‍

 






റബ്ബര്‍ മരങ്ങള്‍ക്കിടയിലൂടെ വെഴില്‍ അരിഞ്ഞിറങ്ങി .സാവിത്രിയുടെ വീട്ടിലെ ആള്‍കൂട്ടം കണ്ടാണ്‌ പ്രശാന്തവിടേക്ക് ചെന്നത് .പ്രശാന്തിനെ കണ്ടതും സുനിയും  കുറച്ച്  നാട്ടുകാരും ചേര്‍ന്ന് പ്രശാന്തിനെതിരെ ആക്രമണം അഴിച്ചു വിട്ടു .പ്രശാന്ത് ഒന്നുമറിയാതെ നിസ്സഹായനായി നോക്കി നില്‍ക്കെ സാവിത്രി ഓടി വന്ന് അവന്റെ കുത്തിനു പിടിച്ച്  .'എടാ കാപാലിക നീ എന്റെ കുട്ടിയെ 'മുഴുമിപ്പിച്ചില്ല അതിനുമുന്നേ അവര്‍ തളര്‍ന്നു വീണു .പോലിസെത്തി പ്രശാന്തിനെ കൊണ്ട് പോയി .കോണ്‍സ്റ്റബിള്‍ നാരായണന്‍ കുട്ടിയാണ് പ്രശാന്തിനോട് കാര്യങ്ങള്‍ പറഞ്ഞത് , സിറ്റി ഹോസ്പിറ്റലില്‍ ഇന്റര്‍വ്യൂ കഴിഞ്ഞിറങ്ങിയ ഗീതയെ ബൈക്കില്‍ കയറ്റി കൊണ്ട് പോകുന്നത് സുനി  കണ്ടു എന്നതാണ് മൊഴി .പ്രശാന്തിന് ചതിയുടെ രൂപം മനസ്സിലായി .
******
   ഗീത മഴക്കമുണര്ന്നപ്പോള്‍ ആരെയും കണ്ടില്ല .കൈകാലുകള്‍ ഭന്തനത്തില്‍ തന്നെയാ .അതഴിക്കാന്‍ അവളൊരു വിഫല ശ്രമം നടത്തി നോക്കി .ആ ശബ്ദം കേട്ട് ഒരു സ്ത്രീ മുറിയിലേക്ക് കടന്നു  വന്നു .ആ സ്ത്രീ പത്രമെടുത്ത് ഗീതയെ വായിച്ചു കേള്‍പ്പിച്ചു .കോളേജ് വിദ്ധ്യര്ത്തിയുടെ തിരോധാനം .പ്രതി അറസ്റ്റില്‍ .ഗീത കണ്ടു പോലിസുക്കാര്‍ക്ക് നടുവില്‍ പ്രശാന്ത്‌ .അവള്‍ക്കത് വിശ്വസിക്കാനായില്ല .ആ സ്ത്രീ ചതിയുടെ കഥ അവള്‍ക്ക് വിവരിച്ചു കൊടുത്തു .ഡ്രൈവര്‍ സുനി  കുഞ്ഞു നാള്‍ മുതലേ മോഹിച്ചതാ ഗീതുവിനെ  . പക്ഷെ പ്രശാന്ത്  അവനൊരു തടസ്സമായിരുന്നു . അവര്‍ക്കിടയില്‍  ബിന്നിപ്പുണ്ടാക്കാന്‍ വേണ്ടിയാണ് പ്രശാന്തിനേയും ഗീഗീതുവിനേയും  ചേര്‍ത്ത് കള്ള കഥകള്‍  മെനഞ്ഞുണ്ടാക്കിയത്   .ഗീതുവിന്റെ അച്ഛന്‍ മരിച്ചതല്ല കൊന്നതാ . മദ്യത്തില്‍  വിഷം കലര്‍ത്തി ഹാര്‍ട്ടറ്റാക്ക് വരുത്തുകയായിരുന്നു .വാതില്‍ തുറക്കുന്ന ശബ്ദം കേട്ടു , ആ സ്ത്രീ വേഗം വെളിയിലേക്ക് ഇറങ്ങിപ്പോയി . സുനിയും   മൂന്നു കൂട്ടാളികളും കയറി വന്നു  . അയാളുടെ മുഖത്ത് എല്ലാം പിടിച്ചടക്കിയ ഒരു കൌശലക്കാരനെ ഗീത കണ്ടു .ഗീത അയാളെ കാറി തുപ്പി .തുപ്പല്‍ തുടച്ചയാള്‍ ഇരുട്ടറയിലേക്ക് നടന്നു നീങ്ങി .
******
രാപകലുകള്‍ പലതും കഴിഞ്ഞു ഗീതുവിനെകുറിച്ചുള്ള അന്നേഷണം  പോലിസുക്കാര്‍ മറന്നിരുന്നു .പ്രശാന്ത് ജാമ്യത്തിലിറങ്ങി .നേരെ പോയത് സാവിത്രിയെ കാണാനാണ് .പക്ഷെ സാവിത്രിയുടെ വീടിനു മുന്നിലെ ആള്‍ കൂട്ടം അവനെ അമ്പരിപ്പിച്ചു .ആളുകള്‍ അടക്കം പറയുന്നതവന് മാറി നിന്ന് കേട്ടു .തൂങ്ങി മരിച്ചതൊന്നുമല്ല ആരോ കൊന്നതാ .പ്രശാന്തിന് അവിടെ നില്‍ക്കുന്നത് പന്തിയല്ല എന്ന് തോന്നി .ആംബുലന്‍സ് എത്തി സാവിത്രിയുടെ ബോഡി പോസ്റ്റ് മോര്‍ട്ടം കഴിഞ്ഞ് വീട്ടു വളപ്പില്‍ സംസ്കരിച്ചു  .ഗീതു അവശയായിരുന്നു .ആ രാത്രി അവളറിഞ്ഞു തന്റെ അമ്മയുടെ മരണം .അവളാര്‍ത്ത് കരഞ്ഞു .പുറത്ത് നല്ല മഴ പെയ്യുന്നുണ്ട് .ഗീതുവിന് ദേഹമാസകാലം വേദന കുത്തി നോവിക്കുന്നത് പോലെ .ഭക്ഷണം നല്‍കാനായി ഗീതു വാശിപിടിച്ചപ്പോള്‍ അവളുടെ കെട്ടുകള്‍ അഴിച്ചിരുന്നു .മെല്ലെ എണീറ്റു അടുത്ത് കണ്ട ഇടിങ്ങിയ മുറിയില്‍ ആ സ്ത്രീ നല്ല ഉറക്കത്തിലാ   . ഭിത്തിയിലെ അഴലില്‍ തൂങ്ങുന്ന രണ്ടു ജോഡി ചുരിദാര്‍ അവള്‍ എടുത്തു ,അലമാറ തുറന്ന് പരതി നോക്കി ഒന്നും കിട്ടിയില്ല .ചുരിദാര്‍ ധരിച്ച് . പ്ലാസ്റ്റിക്ക് കവറില്‍ അടുക്കളയിലെ ഭക്ഷണം നിറച്ചു .പക്ഷെ അപ്പോയുമവളുടെ ഉള്ളിലെ ഭയം വിട്ടു മാറിയിരുന്നില്ല .പുറത്തിറങ്ങാന്‍ നേരം ആ സ്ത്രീ കടന്നു വന്നു.'നീ പോകാനിറങ്ങിയോ' ?.ഗീതുവിന്‍റെ   നല്ല ജീവന്‍ അതോടെ തീര്‍ന്നു . 'പേടിക്കണ്ട .ഞാന്‍ നിന്നെ തടയാന്‍  വന്നതല്ല . ഈ കാശ് വെച്ചോ .എവിടെയാണേലും നീ സന്തോഷമായി ജീവിക്കണം .ഈ ചേച്ചിയെ മറക്കരുത് '.ഗീത  കയ്യിലെ കാശിലേക്കും ആ ചേച്ചിയുടെ മുഖത്തേക്കും മാറി മാറി നോക്കി .ഗീത ഒരോട്ടമായിരുന്നു .പല സ്ഥലങ്ങളില്‍ . നീണ്ടു പോകുന്ന യാത്രകള്‍ മാസങ്ങള്‍ പിന്നിട്ടു .വയര്‍ വീീര്‌ത്തു വരാന്‍ തുടങ്ങി കയ്യിലെ കാശ് തീര്‍ന്നു തുടങ്ങി .അവസാന മാര്‍ഗ മെന്നോണം ആതമഹത്യ ചെയ്യാന്‍ തിരുമാനിച്ചു .പക്ഷെ വിജയം കണ്ടില്ല . വയറ്റിലെ കുരുന്നു ജീവന്‍ അതായിരുന്നു തടസ്സം .ട്രെയിന്‍ യാത്രക്കിടെ കലശലായ വേദന അനുഭവപെട്ടു .ടോയിലെറ്റില്‍  കയറി . വേദന കൂടി കൂടി വന്നു .അവസാനം ഒരു കുട്ടിയെ പ്രസവിച്ചു .ശബ്ദമുണ്ടാക്കതിരിക്കാന്‍ കുട്ടിയുടെ വാ പൊത്തി പിടിച്ചു .പക്ഷെ ആളുകള്‍ ശബ്ദം കേട്ട് വന്നു .പിന്നെ ഒന്നുമോര്‍മ്മയില്ല .ഗീതു ഡൈനിംഗ് ടാബിളില്‍ തല വെച്ച് കരഞ്ഞു .അഞ്ജലിയും , വേണുവും ,ജാനകിയമ്മയും ഒരു സിനിമാ കഥ പോലെ കേട്ട് നിന്നു .'ഈ സുനി  ഇപ്പൊ  എന്ത് ചെയ്യുന്നു'?വേണു മൌനം ഭഞ്ജിച്ചു .'അയാള്‍ സംസ്ഥാന യുവജനക്ഷേമ ബോര്‍ഡിന്റെ ചെയര്‍മാനാ .ഗീതയുടെ കണ്ണുകളിലെ തീഷ്ണത വേണുകണ്ടു . 'ആര് , സുനി . ആര്‍ .നെല്ലി പടിയാണോ'? വേണു ആശ്ചര്യനായി .അതെ അയാള്‍തന്നെ .'അയാള്‍ ഒരു കരിമൂര്ഖനാണ്, അയാളുടെ വിഷ വൃത്തിയിലൂടെ നൊമ്പരമണിഞ്ഞ ഒരു പാട് പേരുണ്ട് . പക്ഷെ അധികാരം ദുഷിപ്പിച്ച നമ്മുടെ നിഴമങ്ങള്‍ കണ്ണടച്ചിരിക്കുന്നു'.
*****
            സിറ്റി മാളില്‍ പര്‍ച്ചേസിംഗ് കഴിഞ്ഞിറങ്ങിയ അഞ്ജലിയെ പരിചയപെടാന്‍ ഒരു ചെരുപ്പകാരാന്‍ കടന്നു വന്നു .അഡ്വ .അഞ്ജലിമേനോന്‍ അല്ലെ .'അതെ' .ആരാ മനസ്സിലായില്ല' .''എന്റെ പേര് കിരണ്‍ , മേഡം എന്നെ കാണാന് വഴിയില്ല '. കാരണം ഇതിനു മുംബ്  നമ്മള്‍ തമ്മില്‍ കണ്ടിട്ടില്ലാല്ലോ .ഞാന്‍ മേഡത്തെ കാണാന്‍ വന്നത് ഒരു കാര്യം പറയാനാ .നിങ്ങളോടപ്പമുള്ള  ഗീത എന്ന പെണ്‍കുട്ടി എന്റെ ഭാര്യയാ .അവളൊരു മാനസീക രോഗിയാണ് .കോയമ്പത്തൂരിലെ  മെഡോണ മെന്റല്‍ ഹെല്‍ത്ത് കയറിലെ പേഷ്യന്റ്  .ഈ പതിനാലാം തിഴതി അവിടുന്ന് ചാടിയതാ .ഒരു പാട് തിരക്കി പക്ഷെ കണ്ടെത്തിയില്ല .പിന്നെ പത്രവാര്‍ത്ത കണ്ടാണ്‌ വിവരങ്ങളറിഞത് .മേഡം അവള്‍ക്ക് ട്രീറ്റ്മെന്റ് അത്യാവിശ്യമാണ് .' കിരണ്‍ വികാര നിര്‍ഭരനായി  പറഞ്ഞു . 'കിരണ്‍ നിങ്ങള്‍  ആരാണെന്ന്  എനിക്കറിയില്ല .അത് മാത്രമല്ല സുഭോതതോടെ സംസാരിക്കുന്ന ആ പെണ്‍കുട്ടിയെ ഭ്രാന്തിയാക്കിയ നിങ്ങള്‍ക്ക് അവളെ നല്‍കാന്‍ ബുദ്ധിമുട്ടുണ്ട് .' അഞ്ജലി തന്റെ നിലപാട്  ശക്തമായി അറിയിച്ചു .'അറിയാം മേഡം. വിശ്വസിക്കാന്‍ പ്രയാസമാകുമെന്ന്  ,അത് കൊണ്ടാണ് ഞങ്ങളുടെ മേരേജ് സര്‍ട്ടിഫികറ്റ് കൂടി  കൊണ്ട് വന്നത് .കൂടാതെ അവളെ കണ്സല്‍ട്ട് ചെയ്യുന്ന ഡോക്റ്റര്‍ രാമന്‍ കാര്ത്തയും എന്നോടപ്പം വന്നിട്ടുണ്ട് .' ഡോക്റ്റര്‍'.കിരണ്‍ ഉച്ചത്തില്‍ വിളിച്ചു .കാറിന്റെ ഡോര്‍ തുറന്ന് ഒരാളിറങ്ങി  .കണ്ടാല്‍ നാല്പത്തഞ്ചു വയസ്സ് പ്രായം തോന്നും .കഷണ്ടി കയറിയ തല. 'ഹലോ '. എന്റെ പേര് രാമന്‍ കര്‍ത്ത .കാര്യങ്ങളെല്ലാം കിരണ്‍ പറഞ്ഞല്ലോ ?'.രാമന്‍ കര്‍ത്ത  കിരണിന്‍റെ അവകാശ വാദങ്ങള്‍  ശെരിവെക്കുന്ന  മട്ടില്‍ പറഞ്ഞു .' പക്ഷെ ഡോക്റ്റര്‍ ഒരു പ്രശ്നമുണ്ടല്ലോ ,ഗീതയുടെ സമ്മതം പ്രധാനമല്ലേ ?'.അഞ്ജലി ഗീതയുടെ രക്ഷകയായി .'മേഡം ഒരു മെന്റല്‍ പേഷ്യന്റ് സ്വമേതയാ ഭ്രാന്തിയാണന്ന് സമ്മതിക്കുമോ ?.'കിരണ്‍ ഒരു പൊതു തത്വം പറഞ്ഞു .'കിരണ്‍ .താങ്കള്‍ പറഞ്ഞ പ്രശ്നങ്ങള്‍ ഉള്ള ഒരു ഗീതയെ എനിക്ക് കിട്ടിയിട്ടില്ല .എനിക്ക് കിട്ടിയ ഗീത പരിപൂര്‍ണ്ണമായും നോര്‍മ്മലാ '. അഞ്ജലി വഴങ്ങുന്ന ലക്ഷണമില്ല .'മേഡം ഞങ്ങളിത്രയും  നേരം മാന്യമായാണ്‌ സംസാരിച്ചത് . അതല്ലെങ്കില്‍ ?'....കിരണിന്റെ വാക്കുകളിലെ ഭീഷണി അഞ്ജലിക്ക് ഊഹിക്കാനായി .'നിങ്ങള്‍ക്ക് ചെയ്യാന്‍ കഴിയുന്നത്‌ ചെയ്യ് .ഗീത ഒറ്റക്കാണന്ന് കരുതണ്ട .'അഞ്ജലിയും വിട്ടു കൊടുത്തില്ല  .കിരണും കര്ത്തയും കാറില്‍ കയറി . കാര്‍ വേകത്തില്‍ ഓടി പോയി .
*******

പെരുമഴയുടെ വരവ് അറിയിച്ചുകൊണ്ട് കറുത്ത ചേല ചുറ്റിയത് പോലെയായി ആകാശം .വെളിച്ചം മങ്ങി മഴയുടെ വെളിച്ചം പോലെ മിന്നലായി ,പിന്നാലെ ഇടിയും . വൃശ്ചികത്തില്‍ മഴ പെയ്യാറില്ല. പക്ഷെ കാലം തെറ്റി മഴ വൃശ്ചിക പകലുകളെയും നനയിക്കാനൊരുങ്ങുകയാണ് . അഞ്ജലി ഓട്ടോ പിടിക്കാനായി റോഡില്‍ കയറിയതും ഒരു സ്കോര്‍പിയോ ഇടിച്ച് തെറിപ്പിച്ചതും  ഒരുമിച്ചായിരുന്നു  .ഇടിച്ചിട്ടിട്ട് വാണം  വിട്ട കണക്കെ കുതിച്ചു പാഞ്ഞു സ്കോര്‍പിയോ .ഓടികൂടിയ നാട്ടുകാര്‍ അഞ്ജലിയെ ഹോസ്പിറ്റലില്‍ എത്തിച്ചു .ബാകില്‍നിന്നും കിട്ടിയ ഫോണ്‍ നമ്പറില്‍ കാര്യം വിളിച്ചറിയിച്ചു .വേണു കാറ് കൊണ്ട് പറക്കുകയായിരുന്നു ഹോസ്പിറ്റല്‍  അധികൃതര്‍ പോലീസില്‍ വിവരമറിയിച്ചു .വേണു ഹോസ്പിറ്റലില്‍  എത്തിയപ്പോള്‍ സര്‍ക്കിള്‍ ഇന്‍സ്പെക്ട്ടര്‍ നിസാമുദ്ധീന്‍ ഡോക്റ്ററോട് വിവരങ്ങള്‍ ചോദിച്ച് മനസ്സിലാക്കികൊണ്ടിരിക്കുകയാണ്  .വേണു ഓടി ചെന്നപ്പോള്‍ വിവരമറിഞ്ഞെത്തിയ ജൂനിയര്‍ അഡ്വകറ്റ് ദ്രൗപതി ഐസി യു വിനു മുന്നിലുണ്ടായിരുന്നു .വേണു കാര്യങ്ങള്‍ അവരോട്   തിരക്കി .അപകടനില തരണം ചൈതെന്നും ഉടനെ വാര്‍ഡിലേക്ക് മാറ്റ് മെന്നും  ദ്രൌപതി പറഞ്ഞപ്പോയാണ് വേണുവിന് ശ്വാസം നേരെ വീണത് .

********

'കിളികൂട്ടിലെ' കോളിംഗ് ബെല്‍ നിര്‍ത്താതെ അടിക്കുന്നു .ഗീത കുട്ടിയെ ഉറക്കി കിടത്തി കുളിക്കാന്‍ കയറിയാതെ ഒള്ളൂ .ജാനകിയമ്മ ഹോസ്പിറ്റലിലേക്കുള്ള ഭക്ഷണം തയ്യാറാക്കി വെക്കുന്ന തിരക്കിലാ ..ടൌണിലെ ഓട്ടോ ഡ്രൈവാറാണ് സുമേഷ്  .ഒരു ഓട്ടം  കഴിഞ്ഞ്  മടങ്ങുന്ന വഴിയാണ്  കിളിക്കൂട്ടില്‍ രണ്ട്  അപരിചിതരെ കണ്ടത്  .സുമേഷ്  അവിടെ എത്തിയതും ജാനകിയമ്മ ഡോര്‍ തുറന്നതും ഒരുമിച്ചായിരുന്നു  .'ആരാ മനസ്സിലായില്ല '.ജാനകിയമ്മയുടെ ആശ്ചര്യം കലര്‍ന്ന ചോദ്യം .'ഗീതയില്ലേ ,അവളെ കാണാന് വന്നതാ' .അപരിചിതരിലെ ഒരാള്‍ ചോദിച്ചു .സുമേഷിന് എന്തോ അപകടം മണത്തു .വക്കീലും വേണു സാറുമില്ലാത്ത നേരത്ത് ഗീതയെ തിരക്കി വന്നവര്‍ അത്ര പന്തിയല്ല .'അല്ല നിങ്ങളാരാന്ന് പറഞ്ഞില്ല?'സുമേഷ് ഇടപെട്ടു .അത് ചോദിക്കാന്‍ നീ  ആരടാ എന്ന  ഒരറ്റ ചോദ്യവും തള്ളലും ഒരുമിച്ചായിരുന്നു .തള്ളലിന്റെ ആഗാതത്തില്‍ സുമേഷ്  പിന്നാക്കം  മറിഞ്ഞു .ആ സമയം രണ്ടു പേരും വീട്ടിലേക്കു ഇരച്ചു കയറി .സുമേഷ്  ഡ്രൈവര്‍ രാജപ്പനെ വിവരം വിളിച്ചറിയിച്ചു .അപരിചിതര്‍ ഗീതയെ ബലമായി പുറത്തേക്ക് വലിച്ചു കൊണ്ട് വന്നു .പക്ഷെ മുറ്റത്തെ ജനക്കൂട്ടം .കാക്കിയിട്ട ഓട്ടോ ഡ്രൈവര്‍മാരുടെ നീണ്ട നിര .രണ്ടു പേരും നിശ്ചലരായി .ഡ്രൈവര്‍മാര്‍ കയ്യില്‍ കിട്ടിയ ഇരകളെ നന്നായി സല്‍കരിച്ചു .പോലിസെത്തി കസ്റ്റഡിയിലെടുക്കുമ്പോള്‍ രണ്ടു പേരും അവശനിലയിലായിരുന്നു .അവസാനിക്കുന്നില്ല .....................

Wednesday, January 2, 2013

ഔട്ട്‌സൈഡര്‍






നിര്‍മ്മല്‍ ഹോസ്പിറ്റലില്‍ പത്രക്കാരുടെ ബാഹുല്യം കണ്ടാണ്‌ അഡ്വ .അഞ്ജലിമേനോന്‍ കയറി വന്നത് തന്റെ ഒരു ബന്തു ഇവിടെ സര്ചറി  കഴിഞ്ഞു കിടക്കുന്നുണ്ട് അതു കാണാന്‍ വന്ന അഞ്ജലിമേനോനില്‍ ഈ ബഹളം ആശ്ചര്യം ഉളവാക്കി .ലേബര്‍ റൂമിന്  പുറത്താണിവരുടെ സാഹസം മെന്നതിനാല്‍ അഞ്ജലിമേനോന്‍ എന്താണന്നറിയാന്‍ അവിടേക്ക് കടന്നു ചെന്നു  .ഒരു അമ്മയും  കുട്ടിയും  , അവര്‍ക്ക് ചുറ്റും പോലിസുക്കാര്‍ . പാതിമയങ്ങിയ കണ്ണില്‍ ആ പെണ്‍കുട്ടി എന്തിനെയൊക്കെയോ ഭയക്കുന്നത് അഞ്ജലിക്ക് കാണാനായി .അവര്‍ ആ റൂമിലേക്ക്‌ കടന്നു ചെന്നു ഔപചാരികതയോടെ പോലിസ് ഓഫീസറോട് കാര്യങ്ങള്‍  തിരക്കി .ട്രെയിനില്‍ വെച്ച് പ്രസവിച്ച കുട്ടിയെ ട്രെയിനില്‍ ഉപേക്ഷിച്ച് കടന്നു കളയാന്‍ ശ്രമിക്കവേ സഹയാത്രികര്‍ പിടികൂടി .മോഹാലസ്യ പെട്ട് വീണ ഇവരെ റെയില്‍വേ ജീവനക്കാരാണ് ഇവിടെ എത്തിച്ചത് .പോലിസ് ഓഫീസര്‍ ചുരുക്കി പറഞ്ഞു .

'കുട്ടിയുടെ കയ്യില്‍ നിന്ന് ഒന്നും കിട്ടിയില്ലേ'

ഇല്ല മേഡം.  ഒരു  പ്ലാസ്റ്റിക് കവറില്‍ ട്രെയിന്‍ ടികെറ്റും  നൂറു രൂപാ നോട്ടും  മാത്രം .സാര്‍ എന്റെ ഒരു അപേക്ഷയാണ് ഈ കുട്ടിയെ ചോദ്യം ചെയ്യുന്നത് മറ്റൊരു ദിവസത്തേക്ക് മാറ്റി വെച്ച് കൂടെ .ഈ കുട്ടിയുടെ പൂര്‍ണ്ണ ചുമതല ഞാനേല്‍ക്കുന്നു .അഞ്ജലി അപേക്ഷ സ്വരത്തില്‍ പറഞ്ഞു .'മേഡം അത് വേണോ'  ഇത് പോലെയുള്ളവര്‍ക്ക് മേഡം വിലപെട്ട സമയം കളഞ്ഞു കുളിക്കാണോ?.ഒരു പത്ര പരസ്യം കൊടുത്താല്‍ ഭന്തുക്കള്‍ എത്തും പിന്നെ  അവര്‍ നോക്കി കൊള്ളും എസ് ഐ  അഞ്ജലിയെ പിന്തിരിപ്പിക്കാന്‍ ശ്രമിച്ചു .സാര്‍ പ്ലീസ് . ഓക്കേ മേഡം .പക്ഷെ ഒരു കണ്ടിഷന്‍ ഇവള്‍ സംസാരിച്ചു  തുടങ്ങുമ്പോള്‍ എന്നെ അറിയിക്കണം .ഓക്കേ സര്‍ താങ്ക്യൂ . 

 *****   
                                    അഞ്ജലി മേനോന്‍ നേരെ പോയത് ആ കുട്ടിയെ കണ്സല്ട്ട് ചെയ്ത ഡോക്റ്റര്‍ പ്രീതയുടെ അടുത്തേക്കാണ് .അഞ്ജലി സ്വയം പരിചയപെടുത്തി . മേഡം ആ കുട്ടിക്ക്  കഴ്ച്ചക്ക് ഒന്നുമില്ല പക്ഷെ അവളെ അലട്ടുന്ന എന്തോ ഒരു പ്രശ്ന മുണ്ട് .കുട്ടിയും അമ്മയും സുഖം പ്രാപിച്ചു വരുന്നു .ഞാനാ ആ കുട്ടിയുടെ താല്‍കാലിക സംരക്ഷകയാവുകയാ ഡോക്റ്റര്‍ .അഞ്ജലി ഇടയ്ക്കു കയറി പറഞ്ഞു .'ഞാനറിഞ്ഞു എസ് ഐ  പറഞ്ഞു' .എനിക്ക് എപ്പോ ആ കുട്ടിയെ കൊണ്ട് പോകാം ഡോക്റ്റര്‍ ? രണ്ടു ദിവസം അത് കഴിഞ്ഞാല്‍ നിങ്ങള്‍ക്ക് അവളെ കൊണ്ട് പോകാം .താങ്ക്യൂ ഡോക്റ്റര്‍ .
*******
അഞ്ജലി മേനോന്‍ ലേബര്‍ റൂമിലെത്തിയപ്പോള്‍ അവിടെ അവളെ കാണാനില്ല .' മേഡം അവരെ റൂമിലേക്ക്‌ സ്വിഫ്റ്റ് ചെയ്തു'  . റൂം  നമ്പര്‍ 'ഇരുപത്തി നാല്' .ഒരു സിസ്റ്റെര്‍ പറഞ്ഞു .അഞ്ജലി മേനോന്‍ റൂമിലെത്തിയപ്പോള്‍ ആ കുട്ടി നല്ല മയക്കത്തിലാ .വന്ന കാര്യം ഇത് വരെ സാധിച്ചില്ല അകന്ന ഭന്തുവാണേലും കണ്ടിട്ട് മടങ്ങാം .അഞ്ജലി നേരെ താഴിറങ്ങി ഫ്രൂട്ട് സ്റ്റാളില്‍ കയറി കുറച്ചു ഫ്രൂട്സ് വാങ്ങി നേരെ റൂം നമ്പര്‍ പതിനാറിലേക്ക് പോയി അവിടെ രോഗിയോടപ്പം മകളും വേലക്കാരിയുമുണ്ട് .രോഗി നല്ല മഴക്കത്തിലാ .ഹോസ്പിറ്റലില്‍ നടന്ന ബഹളമൊന്നും ഇവിടെ കേട്ട സൂചനയില്ല .മകള്‍ രോഗ വിവരങ്ങള്‍ എല്ലാം പറഞ്ഞു .അഞ്ജലി തിരികെ  പോരാന് നേരം  അടുത്ത റൂമിലെ ഒരു സ്ത്രീ ചൂടുവെള്ളം നിറച്ച ഫ്ലാസ്ക്കുമായി കടന്നു വന്നു .'നിങ്ങളല്ലേ അവളെ രക്ഷപെടുത്തിയത് ?' .ആ സ്ത്രീയുടെ പരിഹാസം നിറഞ്ഞ ചോദ്യം .'ആരെ' അഞ്ജലി തിരിച്ചു ചോദിച്ചു .  'ആ പിഴച്ചവളെ'. ട്രെയിനില്‍ പ്രസവിച്ച കുഞ്ഞിനെ ഉപേക്ഷിക്കാന്‍ ശ്രമിച്ചവളെ ആ സ്ത്രീയുടെ ദേഷ്യം കണ്ണുകളില്‍ കാണാം  .'ഹോ അതാണോ' .അല്ല നിങ്ങള്ക്ക് അവളെ നേരത്തെ അറിയുമോ ? ' അറിയില്ല '. പിന്നെ എങ്ങിനെയാ അവള്‍  വഴിപിയച്ചവളാണന്ന്  നിങ്ങള്‍ തീര്‍ച്ച പെടുത്തി .'അല്ല .അത്. പിന്നെ'.. ആ സ്ത്രീ ഉത്തരത്തിന് വേണ്ടി ബുദ്ധിമുട്ടുന്നത് കണ്ട് അഞ്ജലി പറഞ്ഞു .സ്ത്രീയുടെ ശത്രു സ്ത്രീ തന്നെയാ. വര്‍ഗ സ്നേഹമില്ലത്താ വര്‍ഗങ്ങള്‍  .
*********
                                      അഞ്ജലി ടോയിലെറ്റില്‍ പോയി വന്നപോയേക്കും  പെണ്‍കുട്ടി ഉണര്‍ന്നിരുന്നു.  അഞ്ജലിയെ കണ്ടതും ആ കുട്ടി വാവിട്ടു കരയാന്‍ തുടങ്ങി . അഞ്ജലി അവളെ തന്റെ മടിയിലേക്ക്‌  കിടത്തി തലമുടിയില്‍ തലോടി അവളെ ആശ്വസിപ്പിച്ചു  .കരച്ചില്‍ മെല്ലെ മെല്ലെ കുറഞ്ഞു വന്നു . 'ചേച്ചി ആരാ' ?.അഞ്ജലി ചിരിച്ചു കൊണ്ട് പറഞ്ഞു ഒരു 'ഔട്ട്‌സൈഡര്‍'  .ഔട്ട്‌സൈഡറൊ ,  എന്ന് പറഞ്ഞാല്‍ എന്താ'. കുട്ടിയുടെ ആകാംഷ .അതൊക്കെ പിന്നെ പറയാം നീ ആരെയാ പേടിക്കുന്നത് .നിന്റെ വീടെവിടെയാ അഞ്ജലി ചോദ്യങ്ങള്‍ കൊണ്ട് അവളെ വീര്‍പ്പു മുട്ടിച്ചു .ചേച്ചി എനിക്ക് പേടിയാ അയാള്‍ ഇവടേയും  വരും ചേച്ചിക്കും ആപത്താ .ചേച്ചി എന്നെ വിട്ടു പോയികോളൂ ചേച്ചിയുടെ ജീവനും കൂടി'. അവള്‍ മുഴുമിപ്പിച്ചില്ല , കരച്ചിലടക്കാന്‍ പാടുപെടുന്ന അവളെ അഞ്ജലി നെഞ്ചോട്‌ ചേര്‍ത്ത് പിടിച്ചു .ഡോക്റ്റര്‍ പ്രീത വന്നപ്പോള്‍ അഞ്ജലി പറഞ്ഞു 'ഡോക്റ്റര്‍ ഒരു അപേക്ഷയാണ് നിരസിക്കരുത്' .എന്താണ് മേഡം നിങ്ങള്‍ക്ക് എന്നോട് എന്തെങ്കിലും  പറയുന്നതിന് ഒരു മുഖവുരയുടെ ആവശ്യമുണ്ടോ .അതല്ല ഈ കുട്ടിയെ എനിക്ക് ഇന്ന് തന്നെ കൊണ്ട് പോകാന്‍ പറ്റുമോ 'എന്താ ഇത്ര പെട്ടെന്ന് ഇങ്ങനെ ഒരു തീരുമാനമെടുക്കാന്' .അത്  ഡോക്റ്റര്‍ ഈ കുട്ടി ആരെയോ ഭയക്കുന്നുണ്ട് .അയാള്‍ ഇവിടെയും വരുമെന്നാണവള്‍ പറയുന്നത് .പത്രവാര്‍ത്ത കണ്ട്  വരാന്‍ സാധ്യതയുമുണ്ട് .ഒരു റിസ്ക്‌ എടുകെണ്ടല്ലോ എന്ന് കരുതി . മേഡം അങ്ങനെയാണേല്‍ ഇവളെവിടെയാണേലും അയാള്‍ തിരക്കി വരില്ലേ ?.അത് സാരമില്ല  ഡോക്റ്റര്‍ .എന്റെ വീട്ടില്‍ വന്ന് എന്റെ സമ്മതമില്ലാതെ ഇവളെ കാണാന്‍ പോലും അയാള്‍ക്കെന്നല്ല ആര്‍ക്കും കഴിയില്ല .അഞ്ജലി ഇത്  പറയുമ്പോള്‍ അവരുടെ മുഖത്ത് ആത്മ വിശ്വാസം ഡോക്റ്റര്‍ കണ്ടു   .കൊണ്ട് പോയിക്കോ ഈ മെഡിസിന്‍ തന്നെ തുടര്‍ന്നാല്‍ മതി .   താങ്ക്യൂ ഡോക്റ്റര്‍ .
*******

                            ദേവീ നഗറില്‍ നിന്ന് മൂന്ന് കിലോമീറ്റെര്‍ അകലെയാണ്‍ കിങ്ങാണിപുരം ഗ്രാമം .അവിടെ തലയെടുപ്പോടെ നില്‍ക്കുന്ന വീടാണ്  .'കിളികൂട്'. ഭര്‍ത്താവ് മാര്‍ത്താ  കോളേജിലെ ലക്ചറര്‍ വേണു   .അഞ്ജലി തിരക്കുള്ള ഒരു വക്കീലും .ആ വീട്ടിലെ മറ്റൊരു അംഗം ജാനകിയമ്മ . അഞ്ജലി വേണുവിനെ വിളിച്ച് കാര്യങ്ങള്‍ അറിയിച്ചിരുന്നു .വേണുവിന്റെ പൂര്‍ണ്ണ പിന്തുണ ലഭിച്ചതോടെ അഞ്ജലിയുടെ ആത്മ വിശ്വാസം  വര്‍ദ്ധിച്ചു .ഡ്രൈവര്‍ രാമു അക്ഷമനായി കാത്തു നില്‍ക്കാന്‍ തുടങ്ങിയിട്ട് നേരം കുറേയായി .ഡിസ്ചാര്‍ജ് വാങ്ങി അഞ്ജലിയും പെണ്‍കുട്ടിയും കാറില്‍ കയറി . പൂമുഖത്ത് ഊഞാലില്‍   നോവല്‍ വാഴനയിലാണ് വേണു . പടിക്കല്‍ കാര്‍ വന്നത് കണ്ട് വേണു എണീറ്റു . ഡോര്‍ തുറന്നിറങ്ങിയ അഞ്ജലിയുടെ കയ്യില്‍ ഒരു ചോര പൈതല്‍ .പുറകെ മെല്ലിച്ച് വെളുത്ത പെണ്‍കുട്ടിയും . അഞ്ജലിയുടെ മുഖത്തെ സന്തോഷം അതിര് കവിഞ്ഞിരുന്നു .വൈദ്യശാസ്ത്രം കയ്യൊഴിഞ്ഞ നാള്‍ മുതല്‍ അഞ്ജലിയുടെ സ്വപ്ന മായിരുന്നു ലാളനകള്‍ നല്‍കാന്‍ ഒരു കുഞ്ഞ് .താല്‍കാലിക ആശ്വസം കണ്ടെത്തിയ സംതൃപ്തിയുടെ  നിഴലാട്ടം അവളുടെ മുഖത്ത് കാണാം .

********                         
                               വസ്ത്രം മാറി കുളി കഴിഞ്ഞ് വന്നപോയേക്കും  ജാനകിയമ്മയുടെ വിഭവ സമൃതമായ ഊണ് ടൈനിംഗ് ടാബിളില്‍ നിരത്തി വെച്ചിരിക്കുന്നു .വേണു കഴിച്ചു കഴിഞ്ഞതാ .ടൈനിംഗ്ടാബിളില്‍ അഭിമുഖമായി രണ്ടു പേരുമിരുന്നു അഞ്ജലി രണ്ടു പാത്രത്തില്‍ ചോറ് വിളമ്പി കറിയും ഉപ്പേരിയും വേറേയും .കഴിക്കാന്‍ തുടങ്ങവേ സംസാരം തുടങ്ങി വെച്ചത് അഞ്ജലിയാണ് . പെണ്‍കുട്ടിയുടെ പേര് ഗീത . ഒരു ഇടത്തരം കുടുംബത്തിലെ ഏക കുട്ടി  .അച്ഛന്‍ ടാപ്പിംഗ് തൊഴിലാളി അമ്മ സര്‍ക്കാര്‍ ആശുപത്രിയിലെ തൂപ്പുകാരി .മകളെ പഠിപ്പിച്ചു നല്ല നിലയിലാക്കണം , അച്ഛന്‍ ബാബുവിന്‍റെയും അമ്മ സാവിത്രിയുടേയും സ്വപ്നം മാണിത് .പ്ലസ്‌ടു ഫസ്റ്റ് ക്ലാസോടെ പാസ്സായെങ്കിലും തുടര്‍ പഠനത്തിന് കഴിവില്ലാത്ത അവസ്ഥയില്‍ , സ്ഥലത്തെ പാരല്‍ കോളേജ് അദ്ധ്യാപകനും സാമൂഹ്യ പ്രവര്‍ത്തകനുമായ പ്രശാന്ത് മുന്‍ കൈ എടുത്ത് നാട്ടിലെ സര്‍ക്കാര്‍ സ്ഥാപനത്തില്‍ അഡ്മിഷന്‍ തരപെടുത്തി  കൊടുത്തു . കാലം കടന്നകന്നു .ചില സദാചാര വാദികള്‍ തലപൊക്കാന്‍ തുടങ്ങി . പ്രശാന്തും  ഗീതയും തമ്മിലുള്ള പവിത്രമായ ഭന്തം കവലയില്‍ വ്യഭിചരിക്കപെട്ടു .അതൊരു ദുരന്തത്തിലേക്ക് ആ കുടുംബത്തെ നഴിച്ചു .ബാബു ഹൃദയാഘാതം വന്ന്  മരണ മടഞ്ഞതോടെ സാവിത്രിയുടെ വരുമാനം വീട്ടു ചിലവിനു പോലും തികയാതെ വന്നു .ഗീതു ഒരു വിധം ഡിഗ്രീ പൂര്‍ത്തിയാക്കി .റിസള്‍ട്ട് അറിയും മുമ്പേ അവള്‍ അന്നേഷിച്ചു  തുടങ്ങി ഒരു ചോലി .പത്ര പരസ്യം കണ്ടവള്‍ 'സി വി' കള്‍ അയച്ചുകൊണ്ടിരുന്നു  .

  '  തിങ്കളാഴ്ച്ച '
     പോസ്റ്റുമാന്‍ കൊണ്ടുവന്ന ഇന്റര്‍വ്യൂ കാര്‍ഡ് അവളെ സന്തോഷിപ്പിച്ചു .ഒരു സ്വകാര്യ ആശുപത്രിയിലെ അകൌണ്ടിംഗ് പോസ്റ്റിലേക്ക് .വ്യാഴയ്ച്ച ഇന്റര്‍വ്യൂ .ഗീത തയ്യാറായി .വ്യാഴയ്ച്ച രാവിലെ കുളി കഴിഞ്ഞ് പള്ളിയില്‍  പോയി പ്രാര്‍ഥിച്ചു. സിറ്റി ഹോസ്പിറ്റലിന് മുമ്പില്‍ ഓട്ടോ  ഇറങ്ങുമ്പോള്‍ ഗീതുവിന്റെ മുഖത്ത് പ്രതീക്ഷയുടെ നിഴലാട്ടം കാണാം . പൂമുഖം കടന്ന് വിശാലമായ   ഹാളിന്  ഇടത് വശത്തായി ഒരു നീണ്ട ക്യു കണ്ടു .ഇന്റര്‍വ്യൂ കാര്‍ഡ് കൌണ്ടറില്‍ ഏല്‍പ്പിച്ച് ഗീതു ക്യുവില്‍ നിന്നു .ആകെ  മൂന്ന് വേക്കന്‍സി ഒള്ളൂ അതിനാണ് നാല്പതോളം പേര്‍ കാത്തു നില്‍ക്കുന്നത് .അകത്തേക്ക് പോകുന്ന സന്തോഷം മടങ്ങി വരുമ്പോള്‍ പലരുടേയും മുഖത്ത് കാണുന്നില്ല .ഗീതയുടെ ഊയമെത്തി .ചോദ്യങ്ങള്‍ ഒന്നും ഗീതുവിന് പ്രയാസം തോന്നിയില്ല .ഇനി എല്ലാം പുണ്യാളന്‍റെ  കയ്യില്‍ .റിസള്‍ട്ട് പോസിറ്റിവാണെങ്കില്‍ തപാല്‍ വഴി അറിയിക്കും .ഗീത ഹാള്‍ കടന്ന് പുറത്തെത്തിയപ്പോള്‍ നല്ല വിശപ്പ് . ഹോസ്പിറ്റല്‍ കാന്റീനില്‍ കയറി ഉപ്പുമാവും ചായയും കഴിച്ചു . കാശു കൊടുത്തിറങ്ങുമ്പോള്‍ ഹോസ്പിറ്റല്‍ പാര്‍ക്കിംഗ് ഷെഡില്‍ തൂണില്‍ ചാരി മൊബൈലില്‍ സംസാരിക്കുന്ന പ്രശാന്തിനെ കണ്ടത് .ഗീത പ്രശാന്തിന്റെ അടുത്തേക്ക് ചെന്നു .ഫോണ്‍  കട്ട് ചെയ്ത് പ്രശാന്ത് ആശ്ചര്യത്തോടെ അവളെ നോക്കി .'പ്രശാന്തേട്ടനെന്താ ഇവിടെ ?'എന്റെ ഒരു ഭന്തു ആക്സിഡന്റ്റ് പറ്റി ഇവിടെ യുണ്ട് അവരെ കാണാന്‍ വന്നതാ .'ഗീതു നീ ഇവിടെ '.പ്രശാന്തിനാശ്ചര്യം വിട്ടുമാറിയില്ല .ഇവിടെ ഒരു ഇന്റര്‍വ്യൂവിന് വേണ്ടി വന്നതാ .'എന്നിട്ടെന്തായി ?'എന്തവാന് ഇന്റര്‍വ്യൂ കഴിഞ്ഞു ഇനി പുന്ന്യാളന്‍  കനിയണം .'നീ എങ്ങനെയാ വന്നത്?' ഞാന് ടൌണ്‍ വരേ ബസ്സില്‍ അവിടുന്ന്  ഓട്ടോ വിളിച്ചു  .എങ്കില്‍ പോകാം ഞാന്‍ കൊണ്ട് വിടാം .വേണ്ട പ്രശാന്തേട്ടാ , വീണ്ടും ശിഖണ്ടികള്‍ക്ക് സമയം കൊടുകണ്ട .'നിനക്ക് കാശ് വല്ലതും  വേണോ ' ' വേണ്ട'.
*******
    പോക്കു വെഴില്‍ മഞ്ഞു തുടങ്ങി . ബസ്സ്‌ സ്റ്റോപ്പിലെത്തിയപ്പോള്‍ ബസ്സുകളെല്ലാം പണി മുടക്കിലാ .സമയം തെറ്റിച്ച് ഓടിയതിന് ബസ്സിലെ തൊഴിലാളികള്‍ തമ്മില്‍ കൂട്ട തല്ലായി .പോലിസെത്തി അവരെ അറസ്റ്റ് ചെയ്തു അതിന്റെ പേരിലാണീ  പണിമുടക്ക്‌ .ഒട്ടോക്കാരെല്ലാം ഓട്ടം നിര്‍ത്തിയിരിക്കുന്നു .ഗീതുവാകെ അങ്കലാപ്പിലായി .പ്രശാന്തിന്‍റെ നമ്പര്‍ വാങ്ങാനും അവള്‍ മറന്നിരുന്നു .എന്ത് ചെയ്യണമെന്നറിയാതെ അവള്‍ ആകെ വിഷമിത്തിലായി .നേരം ഇരുട്ടി തുടങ്ങി .ഒരു ഓട്ടോ അവളുടെ അടുത്ത് വന്നു നിര്‍ത്തി .ഡ്രൈവര്‍ സുനി   , ഗീതയുടെ അയല്‍വാസിയാ .അവളതില്‍ കയറി കൂടെ ഒരു ചെറുപ്പകാരിയും .ഓട്ടോ ടൌണ്‍ വിട്ട് കുറച്ചു കഴിഞ്ഞപ്പോള്‍ .ഗീതുവിന് നല്ല ദാഹം തോന്നി .ആ ചെറുപ്പക്കാരിയുടെ കയ്യില്‍ ഒരു ബോട്ടില്‍ വെള്ളം ഗീത കണ്ടു .അവളതു വാങ്ങി രണ്ടു കവിള്‍  കുടിച്ചു .പിന്നെ ഒന്നും ഓര്‍മ്മയില്ല .കണ്ണ് തുറക്കുമ്പോള്‍ ഇരുട്ട് മുറിയില്‍ മെഴുകിതിരി വെട്ടത്തില്‍ സുനിയും  വേറെ രണ്ടു പേരുമിരുന്ന് ചീട്ടു കളിക്കുന്നു .ടാബിളില്‍ ചിതറികിടക്കുന്ന മദ്യ  കുപ്പികള്‍ . ഗീത അപ്പോയണത് ശ്രദ്ധിച്ചത്  തന്റെ ദേഹത്തെ തുണി കീറി പറിഞ്ഞിരിക്കുന്നു .തലപൊക്കാന്‍വയ്യ .കാലുകള്‍ കട്ടിലില്‍ കെട്ടി ഭന്തിച്ചിരിക്കുന്നു . അവളാര്‍ത്തു നിലവിളിച്ചു .പക്ഷെ ആര് കേള്‍ക്കാന്‍ .ആളൊഴിഞ്ഞ പണിതീരാത്ത കെട്ടിട ഭിത്തികളും ഈ കാപലികന്മാരുമാല്ലാതെ ....അവസാനിക്കുന്നില്ല ..